വർഗീയ രാഷ്ട്രീയത്തിനെതിരായ വിധിയെഴുത്ത്: പ്രൊഫ. ഖാദർ മൊയ്തീൻ

കർണാടകയിലെ തെരഞ്ഞെടുപ്പുഫലം വർഗീയ രാഷ്ട്രീയത്തിനെതിരായ വിധിയെഴുത്താണെന്ന് മുസ് ലിം ലീഗ് ദേശീയ പ്രസിഡൻറ് പ്രൊഫ .കെ .എം ഖാദർ മൊയ്തീൻ അഭിപ്രായപ്പെട്ടു. പ്രധാനമന്ത്രി നേരിട്ട് തെരഞ്ഞെടുപ്പ് പ്രചാരണത്തിനെത്തിയിട്ടും ജനത മതേതരപക്ഷത്ത് നിന്നു. മുസ് ലിം ലീഗ് നേതാക്കൾ കോൺഗ്രസിന് വേണ്ടി നിരവധി യോഗങ്ങളിൽ പ്രസംഗിച്ചു . ഇത് രാജ്യത്തെ മതേതര കക്ഷികൾക്ക് ശക്തി പകരും. അടുത്ത ലോക് സഭാ തെരത്തെ ടുപ്പിലും ഈ ഫലം ആവർത്തിക്കാനാണ് സാധ്യതയെന്ന് ഖാദർ മൊയ്തീൻ ചന്ദ്രിക യോട് വ്യക്തമാക്കി . കർണാടക ജനതയെ അദ്ദേഹം അഭിനന്ദിച്ചു.രാഹുൽ ഗാന്ധിയുടെയും മല്ലികാർജുൻ ഖാർഗെ യുടെയും വിജയം കൂടിയാണിതെന്ന് അദ്ദേഹം പറഞ്ഞു.