കോഴിക്കോട്: മുഖ്യമന്ത്രി പിണറായി വിജയനെ കുറിച്ചുള്ള കോണ്‍ഗ്രസ് നേതാവ് കെ.സുധാകരന്റെ വെളിപ്പെടുത്തല്‍ ചര്‍ച്ചയാവുന്നു. പിണറായിയില്‍ കൊല്ലപ്പെട്ട വ്യക്തിയുടെ മൃതദേഹം മറവ് ചെയ്യാന്‍ പോലും സമ്മതിക്കാതിരുന്ന പിണറായി വിജയന്റെ നേതൃത്വത്തിലുള്ള സി.പി.എം ഗുണ്ടകളെ കുറിച്ചാണ് സുധാകരന്റെ വെളിപ്പെടുത്തല്‍.
കെ.പി.സി.സി പ്രസിഡണ്ട് മുല്ലപ്പള്ളി രാമചന്ദ്രന്‍ നയിക്കുന്ന ജനമഹായാത്രയിലാണ് കെ.സുധാകരന്‍ പിണറായിക്കെതിരെ ആഞ്ഞടിച്ചത്. ആയുധം താഴെവെച്ചാലും നിരവധി കോണ്‍ഗ്രസ് പ്രവര്‍ത്തകരെ കൊന്നു തള്ളിയ സി.പി.എമ്മുമായി ഒരു ബന്ധവും വേണ്ടെന്നും സുധാകരന്‍ പറഞ്ഞു.