Connect with us

Culture

കോഴിക്കോട് കനറാ ബാങ്കുകളില്‍ പണമിടപാട് നിര്‍ത്തിവെച്ചു; കളക്ടറോട് സംരക്ഷണം ആവശ്യപ്പെട്ട് ബാങ്ക്

Published

on

കോഴിക്കോട്: കോഴിക്കോട് കനറാ ബാങ്ക് ശാഖകളില്‍ പണം വിതരണം നിര്‍ത്തിവെച്ചു.പണമില്ലാത്തതിനെ തുടര്‍ന്നാണ് നടപടി. പ്രവര്‍ത്തനം നിര്‍ത്തിവെക്കുന്നത് സംബന്ധിച്ച് ബാങ്ക് കുറിപ്പ് ഇറക്കിയിട്ടുണ്ട്. കറന്‍സി ചെസ്റ്റ് സംവിധാനം വഴിയാണ് കനറാ ബാങ്ക് ശാഖകള്‍ക്ക് പണം എത്തിച്ചിരുന്നത്. എന്നാല്‍ മിക്ക ബ്രാഞ്ചുകളിലും പണമെത്തിക്കാന്‍ സാധിക്കാത്തതാണ് വിതരണം നിര്‍ത്തിവെക്കുന്നതിലേക്ക് ബാങ്കിനെ എത്തിച്ചത്.

അതേ സമയം, കളക്ടര്‍ പ്രശ്‌നത്തില്‍ ഇടപെടണമെന്ന് ബാങ്ക് ആവശ്യപ്പെട്ടു. പണമിടപാട് നിര്‍ത്തിവെച്ചതുമൂലമുള്ള പ്രശ്‌നങ്ങളില്‍ നിന്നും ബാങ്കിനും ജീവനക്കാര്‍ക്കും പോലീസ് സുരക്ഷ ഏര്‍പ്പെടുത്തണമെന്ന് കളക്ടറോട് ബാങ്ക് ആവശ്യപ്പെട്ടിട്ടുണ്ട്. ജില്ലയില്‍ 65ശാഖകളാണ് ബാങ്കിനുള്ളത്. ബാങ്കിന്റെ മുന്നില്‍ നൊ കാഷ് എന്ന് എഴുതിയിരിക്കുന്ന പോസ്റ്റര്‍ ഒട്ടിച്ചിട്ടുണ്ട്. നോട്ട് നിയന്ത്രണം ഉണ്ടായിട്ടുപോലും 50ലക്ഷം രൂപ ബാങ്കില്‍ ദിനം പ്രതി ആവശ്യമായി വരാറുണ്ട്. എന്നാല്‍ വെറും പത്തോ പതിനഞ്ചോ ലക്ഷം രൂപ മാത്രമാണ് ബാങ്കില്‍ എത്താറുള്ളത്. ഈ സാഹചര്യം തുടരുന്നതുമൂലം പണപ്രതിസന്ധി രൂക്ഷമായിരിക്കുകയാണിപ്പോള്‍.

ഇന്ന് രാവിലെ കോഴിക്കോട് ജില്ലയിലെ പയ്യോളിയില്‍ കനറാബാങ്കില്‍ പണമില്ലാത്തതിനെ തുടര്‍ന്ന് സംഘര്‍ഷമുണ്ടായിരുന്നു. ജീവനക്കാരെ നാട്ടുകാര്‍ തടഞ്ഞുവെക്കുകയും ചെയ്തു. അതിന് പിന്നാലെയാണ് കനറാ ബാങ്കിന്റെ ശാഖകളില്‍ പണമിടപാട് നിര്‍ത്തിവെച്ചുകൊണ്ടുള്ള സര്‍ക്കുലര്‍ പുറത്തിറങ്ങുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

വിവാഹ വാഗ്ദാനം നൽകി ബന്ധുവിനെ പീഡിപ്പിച്ചു; സിനിമാതാരം മനോജ് രാജ്പുത് അറസ്റ്റിൽ

ബലാത്സംഗം, പ്രകൃതിവിരുദ്ധ ലൈംഗിക പീഡനം, ഭീഷണിപ്പെടുത്തൽ തുടങ്ങിയ കുറ്റങ്ങളാണ് മനോജ് രാജ്പുത്തിനെതിരെ ചുമത്തിയിരിക്കുന്നത്

Published

on

നടനും സംവിധായകനുമായ മനോജ് രാജ്പുത് അറസ്റ്റിൽ. ബന്ധുവിനെ വിവാഹ വാഗ്ദാനം നൽകി പീഡിപ്പിച്ച കേസിലാണ് അറസ്റ്റ്. ഛത്തീസ്ഗഢിൽ കഴിഞ്ഞ 13 വർഷമായി മനോജ് പെൺകുട്ടിയെ പീഡനത്തിനിരയാക്കിയിരുന്നു. പിന്നാലെ 29 കാരിയായ പെൺകുട്ടി പൊലീസിൽ പരാതിപ്പെടുകയായിരുന്നു.

ബലാത്സംഗം, പ്രകൃതിവിരുദ്ധ ലൈംഗിക പീഡനം, ഭീഷണിപ്പെടുത്തൽ തുടങ്ങിയ കുറ്റങ്ങളാണ് മനോജ് രാജ്പുത്തിനെതിരെ ചുമത്തിയിരിക്കുന്നത്. കൂടാതെ, ലൈംഗിക പീഡനം തുടങ്ങിയ കാലയളവിൽ യുവതിക്കു പ്രായപൂർത്തിയായിരുന്നില്ലെന്നതിനാൽ പോക്സോ വകുപ്പുകളും ചേർക്കുമെന്ന് എസ്എച്ച്ഒ വ്യക്തമാക്കിയെങ്കിലും, ആ സമയത്ത് പോക്സോ നിയമം നിലവിൽ വന്നിരുന്നില്ലെന്ന് ചൂണ്ടിക്കാട്ടി കോടതി എതിർത്തു.

Continue Reading

Film

രശ്മിക സഞ്ചരിച്ച വിമാനം അടിയന്തരമായി തിരിച്ചിറക്കി; മരണത്തിൽ നിന്നും രക്ഷപ്പെട്ടുവെന്ന് താരം

മുംബൈയിൽനിന്ന് ഹൈദരാബാദിലേക്കുള്ള എയർ വിസ്താരയാണ് തിരിച്ചിറക്കിയത്

Published

on

ചലച്ചിത്ര താരം രശ്മിക മന്ദാന കയറിയ വിമാനം അടിയന്തരമായി തിരിച്ചിറക്കി. സാങ്കേതിക പിഴവുകളെ തുടർന്നാണ് വിമാനം തിരിച്ചിറക്കിയത്. മുംബൈയിൽനിന്ന് ഹൈദരാബാദിലേക്കുള്ള എയർ വിസ്താരയാണ് തിരിച്ചിറക്കിയത്. പറന്നുയർന്ന് 30 മിനിറ്റുകൾക്കുശേഷം പ്രശ്നങ്ങൾ കണ്ടെത്തിയതിനെ തുടർന്ന് വിമാനം തിരിച്ചു മുംബൈയിലേക്ക് പറക്കുകയായിരുന്നു. ആർക്കും പരിക്കില്ല.

വിമാനം തിരിച്ചിറക്കിയതിന് പിന്നാലെ യാത്രക്കാർക്കായി മറ്റൊരു വിമാനം ഏർപ്പെടുത്തി. ‘ഇങ്ങനെയാണ് ഞങ്ങൾ ഇന്ന് മരണത്തിൽ‌നിന്ന് രക്ഷപ്പെട്ടത്’ എന്ന കുറിപ്പോടെ രശ്‌മിക ഇക്കാര്യം ഇൻസ്റ്റഗ്രാം സ്റ്റോറി പങ്കുവെച്ചിട്ടുണ്ട്. നടി ശ്രദ്ധ ദാസിനൊപ്പമായിരുന്നു രശ്മികയുടെ യാത്ര.

Continue Reading

Film

ഈ മാസം22 മുതൽ മലയാള സിനിമകൾ പ്രദർശിപ്പിക്കില്ല: ഫിയോക്ക് തീയറ്റർ ഉടമകൾ

തിയേറ്റര്‍ ഉടമകൾ നേരിടുന്ന പ്രശ്നങ്ങൾ പരിഹരിക്കുക, ഒടിടി റിലീസ്, സിനിമ എഗ്രിമെന്റ് ഉൾപ്പടെയുള്ള കാര്യങ്ങളിൽ നിർമ്മാതാക്കൾ പരിഹാരം കാണുക എന്നിവയാണ് ആവശ്യം.

Published

on

ഈ മാസം 22 മുതൽ മലയാളസിനിമകൾ പ്രദർശിപ്പിക്കില്ലെന്ന് തിയേറ്റര്‍ ഉടമകളുടെ സംഘടനയായ ഫിയോക്ക് അറിയിച്ചു. തിയേറ്റര്‍ ഉടമകൾ നേരിടുന്ന പ്രശ്നങ്ങൾ പരിഹരിക്കുക, ഒടിടി റിലീസ്, സിനിമ എഗ്രിമെന്റ് ഉൾപ്പടെയുള്ള കാര്യങ്ങളിൽ നിർമ്മാതാക്കൾ പരിഹാരം കാണുക എന്നിവയാണ് ആവശ്യം.

40 ദിവസത്തിന്‌ ശേഷം മാത്രമേ ഒടിടി റീലീസ് അനുവദിക്കാവൂ എന്നാണ് കരാർ. ഇത് ലംഘിക്കപ്പെടുന്നു. ഈ പ്രശ്ങ്ങളിൽ പരിഹാരം കണ്ടില്ലെങ്കിൽ 22 മുതൽ മലയാളം സിനിമകൾ തിയേറ്ററുകളിൽ പ്രദർശിപ്പിക്കില്ലെന്നാണ് മുന്നറിയിപ്പ്.

Continue Reading

Trending