സംസ്ഥാനത്തെ കേന്ദ്ര ഗവണ്മെന്റ് ഓഫിസുകളുടെ 2024 ലെ അവധി ദിനങ്ങള്‍ നിശ്ചയിച്ച് സര്‍ക്കാര്‍ അറിയിപ്പ് പുറത്ത്. 2024 ല്‍ മൊത്തം 17 അവധി ദിനങ്ങളും 43 നിയന്ത്രിത അവധി ദിനങ്ങളുമാണുള്ളത്. കേന്ദ്ര ജീവനക്കാര്‍ക്കായുള്ള ക്ഷേമ ഏകോപന സമിതിയുടെ യോഗത്തിലാണ് കേരളത്തിലെ കേന്ദ്ര ഗവണ്മെന്റ് ഓഫീസുകളുടെ 2024 ലെ അവധി ദിനങ്ങളെ സംബന്ധിച്ച് തീരുമാനം കൈക്കൊണ്ടത്.
2024 ലെ അവധി ദിനങ്ങള്‍
ജനുവരി 26 – റിപ്പബ്ലിക് ദിനം
മാര്‍ച്ച് 08 – മഹാ ശിവരാത്രി
മാര്‍ച്ച് 29- ദുഃഖവെള്ളി
ഏപ്രില്‍ 10 – ഈദുല്‍ ഫിത്വര്‍ (റമദാന്‍)
ഏപ്രില്‍ 21 – മഹാവീര്‍ ജയന്തി
മെയ് 23- ബുദ്ധപൂര്‍ണിമ
ജൂണ്‍ 17 – ഈദുല്‍ അദ്ഹാ
(ബക്രീദ്)
ജൂലൈ 16 – മുഹറം
ഓഗസ്റ്റ് 15 – സ്വാതന്ത്യദിനം
ഓഗസ്റ്റ് 26 – ജന്മാഷ്ടമി
സെപ്തംബര്‍ 16 – നബിദിനം
ഒക്ടോബര്‍ 2 – ഗാന്ധിജയന്തി
ഒക്ടോബര്‍ 11 – ദുര്‍ഗ്ഗാഷ്ടമി
ഒക്ടോബര്‍ 13 – വിജയദശമി
ഒക്ടോബര്‍ 31 – ദീപാവലി
നവംബര്‍ 15 – ഗുരുനാനാക് ജയന്തി
ഡിസംബര്‍ 25 – ക്രിസ്മസ്
ഇവയില്‍ ഏപ്രില്‍ 10: ഈദുല്‍ ഫിത്വര്‍ (റമദാന്‍) , ജൂണ്‍ 17 – ഈദുല്‍ സുഹ (ബക്രീദ്), ജൂലൈ 16-മുഹറം, സെപ്തംബര്‍ 16 – നബിദിനം എന്നിവ ചന്ദ്രപ്പിറവി അനുസരിച്ചു മാറ്റം വരാം. സംസ്ഥാന ഗവണ്മെന്റ് ഈ ദിവസങ്ങള്‍ക്കു പകരം ഏതെങ്കിലും ദിവസം അവധി പ്രഖ്യാപിക്കുകയാണെങ്കില്‍ അന്നു തന്നെയായിരിക്കും കേന്ദ്ര ഓഫിസുകള്‍ക്കും അവധി.
43 നിയന്ത്രിത അവധി ദിനങ്ങളില്‍ 2 എണ്ണം ജീവനക്കാര്‍ക്കു തിരഞ്ഞെടുക്കാം. ഈ പട്ടികയില്‍ ജനുവരി 2 മന്നംജയന്തി, ജനുവരി 14 മകരസംക്രാന്തി, മാര്‍ച്ച് 12 അയ്യാവൈകുണ്ഠ സ്വാമിജയന്തി, മാര്‍ച്ച് 31 ഈസ്റ്റര്‍, ഏപ്രില്‍ 13 വിഷു, ഓഗസ്റ്റ് 8 കര്‍ക്കടകവാവ്, ഓഗസ്റ്റ് 20 ശ്രീനാരായണ ഗുരുജയന്തി, സെപ്തംബര്‍ 7 ഗണേശചതുര്‍ത്ഥി, സെപ്തംബര്‍ 14 ഒന്നാംഓണം, സെപ്തംബര്‍ 15 തിരുവോണം, സെപ്തംബര്‍ 16 മൂന്നാംഓണം, സെപ്തംബര്‍ 17 നാലാം ഓണം, സെപംതംബര്‍ 21 ശ്രീനാരായണ ഗുരു സമാധിദിനം എന്നീ വിശേഷദിനങ്ങളും ഉള്‍പ്പെടുന്നു.