മുന്നാക്കസംവരണം സംബന്ധിച്ച് ഇന്ന് പുറത്തുവന്ന സുപ്രീംകോടതി വിധിയെ പരോക്ഷമായി വിമര്‍ശിച്ച് കെ.പി.സി.സി ഉപാധ്യക്ഷന്‍ വി.ടി ബല്‍റാം.സംവരണത്തിന്റെ ലക്ഷ്യം വ്യക്തികളുടെ സാമ്പത്തിക ഉന്നമനമല്ല, സാമൂഹ്യ വിഭാഗങ്ങളുടെ ഉന്നമനവും ജനാധിപത്യത്തില്‍ എല്ലാവര്‍ക്കും അര്‍ഹമായ രീതിയില്‍ ഉറപ്പുവരുത്തപ്പെടേണ്ട അധികാര പങ്കാളിത്തവുമാണ്. അങ്ങനെയായിരുന്നു, ഇന്ന് രാവിലെ വരെ!’ എന്നാണ് വി.ടി ബല്‍റാം തന്റെ ഫെയ്സ്ബുക്ക് പോസ്റ്റില്‍ കുറിച്ചിരിക്കുന്നത്.
സുപ്രീംകോടതിയുടെ അഞ്ചംഗഭരണഘടനാബെഞ്ചാണ് മുന്നാക്കസംവരണം സംബന്ധിച്ച നിയമഭേദഗതിയെ ശരിവെച്ചുകൊണ്ട് 3:2 എന്ന നിലയില്‍ വിധി പ്രസ്താവിച്ചത്.അതേസമയം വിധി സ്വാഗതാര്‍ഹമാണെന്ന് കെ.പി.സി.സി അധ്യക്ഷന്‍ കെ.സുധാകരന്‍ എം.പി അഭിപ്രായപ്പെട്ടു.എന്നാല്‍ കോണ്‍ഗ്രസ് നേതാവ് ഉദിത് രാജ് വിധിയെ ജാതീയ്യമെന്ന് വിശേഷിപ്പിച്ചു.