മുഖ്യമന്ത്രി പിണറായി വിജയന്‍ അമേരിക്കയിലെയും കേരളത്തിലെയും പാതകളെ താരതമ്യപ്പെടുത്താനായി ഉദ്ധരിച്ച വ്യക്തി ഇടതുപക്ഷ അനുഭാവി. ന്യൂയോര്‍ക്ക് പ്രവാസി മലയാളിയാണ് തന്നോട് കേരളത്തിലെ റോഡുകള്‍ അമേരിക്കയിലേതിനേക്കാള്‍ മെച്ചപ്പെട്ടതാണെന്ന് വ്യക്തമാക്കിയതെന്നായിരുന്നു പിണറായിയുടെ ന്യായം. ഇത് പറഞ്ഞെങ്കിലും പറഞ്ഞയാളുടെ പേര് അദ്ദേഹം വെളിപ്പെടുത്തിയിരുന്നില്ല. ചന്ദ്രിക ഓണ്‍ലൈന്‍ നടത്തിയ പ്രത്യേകാന്വേഷണത്തിലാണ് പേര് വെളിപ്പെട്ടത്. ഇദ്ദേഹം പ്രത്യേക രാഷ്ട്രീയം കൊണ്ടുനടക്കുന്ന ആളല്ലെന്നും എന്നാല്‍ സി.പി.എം അനുഭാവിയാണെന്നും വിശ്വസ്ത വ്യക്തികള്‍ ഞങ്ങളെ അറിയിച്ചു.
പാലക്കാട്- തൃശൂര്‍ പാത നന്നാക്കിയതിനെക്കുറിച്ചായിരുന്നു മുഖ്യമന്ത്രി പറഞ്ഞത്. രണ്ടുപതിറ്റാണ്ടോളമായി പൊട്ടിപ്പൊളിഞ്ഞുകിടന്ന റോഡാണ് തുരങ്കമുള്‍പ്പെടെ പണിത് അടുത്തിടെ തുറന്നുകൊടുത്തത്. അതേസമയം സംസ്ഥാനത്തെ പല റോഡുകളുടെയും ശോച്യാവസ്ഥയും അപകടങ്ങളും പിണറായിയുടെ വാദത്തെ പരിഹാസ്യമാക്കുകയാണ്.