കുവൈത്ത് സിറ്റി: സ്‌പോൺസറുടെ മർദ്ദനത്തിൽ പരിക്കേറ്റ ഗാർഹിക തൊഴിലാളിക്ക് കൈത്താങ്ങായി കുവൈത്ത് കെ.എം.സി.സി. സബാഹ് അൽനാസർ ഏരിയയിൽ ഒരു വർഷത്തോളമായി ഗാർഹിക ജോലി ചെയ്തു വരികയായിരുന്ന മലപ്പുറം സ്വദേശി ബാദുഷ യെയാണ് കെ.എം.സി.സി. നേതാക്കൾ മോചിപ്പിച്ചത്. സ്പോൺസർ ഉപദ്രവിച്ചതിനാൽ
ഇടതു കണ്ണിന് സാരമായ പരിക്കു പറ്റിയ ബാദുഷയെ ഹോസ്പിറ്റലിൽ ചികിത്സക്ക് വിധേയമാക്കി.
തുടർന്ന് കുവൈത്ത് കെഎംസിസി സംസ്ഥാന ജനറൽ സെക്രട്ടറി ശറഫുദ്ധീൻ കണ്ണേത് , ഹെൽപ് ഡെസ്ക് കൺവീനർ അജ്മൽ സാഹിബ്‌ , മലപ്പുറം മണ്ഡലം പ്രസിഡന്റ് അഷ്റഫ് മങ്കരത്തൊടി, എന്നിവർ നേരിട്ട് ഇടപെട്ട് നാട്ടിലേക്കുള്ള ടിക്കറ്റും രണ്ട് ലക്ഷത്തോളം രൂപ നഷ്ടപരിഹാരവും വാങ്ങിച്ചു നൽകിയാണ് കഴിഞ്ഞ ദിവസം (02/04/2024) സന്തോഷത്തോടെ നാട്ടിലേക്ക് യാത്രയാക്കിയത്.