കൊല്ലം: ലോക അറബി ഭാഷ ദിനത്തിൽ ആഘോഷ പരിപാടികൾ സംഘടിപ്പിച്ച് ഗവ.ടി.ടി.ഐയിലെ അറബിക് ഡി.എൽ.എഡ് വിദ്യാർത്ഥികൾ. ”ഖഹ്ത്താൻ” എന്ന പേരിൽ വ്യത്യസ്ത പരിപാടികളാണ് ദിനാചരണത്തിൻ്റെ ഭാഗമായി നടന്നത്. കൊല്ലം DEO ഷാജി സാർ പരിപാടിക്ക് ഉദ്ഘാടനം നിർവ്വഹിച്ചു. ഹുസൈൻ ഉമർ അലി ഹുസൈൻ അകീത് യമൻ മുഖ്യാതിഥിയായി. കേരള യൂണിവേഴ്സിറ്റി അറബിക് തലവൻ Dr.നൗഷാദ് ഹുദവി വിഷയാവതരണം നടത്തി.
ദിനാചരണത്തിൻ്റെ ഭാഗമായി മെഹന്തിഇവൻ്റ്, അറബിക് ഗാന മത്സരം, കാലിഗ്രഫി, കൈയ്യെഴുത്ത് മത്സരം, ഖുർ-ആൻ പാരായണയം, അറബിക് കഥാരചന, കവിത രചന, ഉപന്യാസ രചന, ക്യാപ്ഷൻ, അറബിക് ക്വിസ്സ്, കാർട്ടൂൺ , വർത്തവായന, സംഘഗാനം, കവിത, പ്രസംഗം എന്നീ മത്സരങ്ങളും സംഘടിപ്പിച്ചു.
പരിപാടിക്ക് ടി.ടി.ഐ പ്രിൻസിപ്പാൾ ഇ.ടി.സജി, സ്റ്റാഫ് സെക്രട്ടറി ജി. ലെനൊ, അഹമ്മദ് ഉഖൈൽ എന്നിവർ ആശംസയർപ്പിച്ചു. അധ്യാപകരായ ഡോ.എ.നൗഷാദ്, സുലത രാമചന്ദ്രൻ, പ്രോഗ്രാം കൺവീനർ ജാസിം.എച്ച് ചെയർമാൻ സലാം എന്നിവരാണ് നേതൃത്വം നൽകിയത്.