കോട്ടയം: കോട്ടയം പാസ്‌പോര്‍ട്ട് സേവാകേന്ദ്രത്തിന്റെ പ്രവര്‍ത്തനം വ്യാഴാഴ്ച മുതല്‍ താല്‍കാലികമായി നിര്‍ത്തിവയ്ക്കും. കൊച്ചി റിജിയനല്‍ പാസ്‌പോര്‍ട്ട് ഓഫിസര്‍ ടി.ആര്‍.മിഥുന്‍ ആണ് ഇക്കാര്യം അറിയിച്ചത്. സാങ്കേതികവും പ്രവര്‍ത്തനപരവുമായ കാരണങ്ങളാലാണ് നിര്‍ത്തുന്നത്.
കോട്ടയം ജില്ലയിലുള്ളവര്‍ക്കായി ആലപ്പുഴ, ആലുവ, തൃപ്പുണിത്തുറ എന്നീ പാസ്‌പോര്‍ട്ട് സേവാകേന്ദ്രങ്ങളിലെ സാധാരണ, തത്കാല്‍, പിസിസി അപേക്ഷകള്‍ക്കുള്ള അപ്പോയിന്റ്‌മെന്റുകളുടെ എണ്ണം ആനുപാതികമായി വര്‍ധിപ്പിച്ചിട്ടുണ്ടെന്നും റിജിയനല്‍ പാസ്‌പോര്‍ട്ട് ഓഫിസര്‍ അറിയിച്ചു.
കോട്ടയം പാസ്‌പോര്‍ട്ട് സേവാകേന്ദ്രത്തില്‍നിന്നു വ്യാഴാഴ്ച മുതല്‍ അനുവദിച്ചിട്ടുള്ള കൂടിക്കാഴ്ചാ സമയക്രമങ്ങള്‍ പുനഃക്രമീകരിക്കണമെന്നും അറിയിച്ചു. അടുത്തുള്ള പാസ്‌പോര്‍ട്ട് സേവാകേന്ദ്രങ്ങളിലേക്കാണ് അപേക്ഷകര്‍ പുനഃക്രമീകരിക്കേണ്ടത്.