ഭോപ്പാല്: മധ്യപ്രദേശില് കോണ്ഗ്രസ് നേതാവ് കുഴഞ്ഞു വീണു മരിച്ചു. ലോക്സഭാ തെരഞ്ഞെടുപ്പ് ഫലം പുറത്തുവന്നുകൊണ്ടിരിക്കെയാണ് മരണം സംഭവിച്ചത്. സെഹോര് ജില്ലാ കോണ്ഗ്രസ് നേതാവ് രത്തന് സിങാണ് ഹൃദയാഘാതത്തെ തുടര്ന്ന് മരിച്ചത്.
വോട്ടെണ്ണല് കേന്ദ്രത്തില് ലീഡ് നില ശേഖരിക്കുന്നതിനിടെയാണ് രത്തന് സിങിന് ഹൃദയാഘാതമുണ്ടായത്. കുഴഞ്ഞുവീണ രത്തന് സിങ് മരണപ്പെടുകയായിരുന്നുവെന്ന് ദേശീയ മാധ്യമങ്ങള് റിപ്പോര്ട്ടു ചെയ്യുന്നു.