More
ക്രിസ്മസിനും താരയുദ്ധം ഒരുങ്ങുന്നു

കോഴിക്കോട്: തോപ്പില് ജോപ്പനും പുലിമുരുകനും പിന്നാലെ ക്രിസ്മസിനും മമ്മൂട്ടിയുടെയും മോഹന്ലാലിന്റെയും ചിത്രങ്ങള് തിയേറ്ററുകളിലേക്ക്. നവാഗതനായ അനീഫ് അദേനി സംവിധാനം ചെയ്യുന്ന ഗ്രേറ്റ് ഫാദര് എന്ന ചിത്രമാണ് മമ്മൂട്ടിയുടെത്. ഇത് ക്രിസ്മസിനാണ് റിലീസ് എന്ന് പ്രഖ്യാപിച്ചുകഴിഞ്ഞു. ജിബു ജേക്കബ് സംവിധാനം ചെയ്യുന്ന മുന്തിരി വള്ളികള് തളിര്ക്കുമ്പോള് എന്ന ചിത്രമാണ് മോഹന്ലാലിനുള്ളത്. ഇത് നവംബറിലാണ് റിലീസ് നിശ്ചയിച്ചിരുന്നതെങ്കിലും പുലിമുരുകന്റെ മഹാവിജയവും പ്രിയദര്ശന് ചിത്രം ഒപ്പവും തിയേറ്ററുകളില് ആളെക്കൂട്ടുമ്പോള് ജിബു ജേക്കബ് ചിത്രം ഡിസംബറിലേക്ക് മാറ്റിയേക്കും.
പൃഥ്വിരാജിന്റെ ഉടമസ്ഥതയിലുള്ള ഓഗസ്റ്റ് സിനിമാസാണ് ഗ്രേറ്റ് ഫാദര് നിര്മ്മിക്കുന്നത് എന്നത് ചിത്രത്തിന് പ്രതീക്ഷ വര്ധിപ്പിക്കുന്നു. ബിജു മേനോന് നായകനായ വെള്ളിമൂങ്ങ എന്ന തകര്പ്പന് ഹിറ്റിന് ശേഷമൊരുക്കുന്ന ചിത്രമായതിനാല് മുന്തിരി വള്ളികള് തളിര്ക്കുമ്പോള് എന്ന ചിത്രത്തിനും പ്രതീക്ഷയേറുന്നു. അനൂപ് മേനോന്, മീന, കലാഭവന് ഷാജോണ് എന്നിവരും ചിത്രത്തില് അഭിനയിക്കുന്നുണ്ട്. നീണ്ട ഇടവേളക്ക് ശേഷമാണ് ഇരു സൂപ്പര് സ്റ്റാറുകളുടെയും ചിത്രങ്ങള് തിയേറ്ററുകളില് ഒരുമിച്ചെത്തിയത്. കളക്ഷന് റെക്കോര്ഡുകള് ഭേദിച്ചാണ് പുലിമുരുകന്റെ പ്രയാണം. തോപ്പില് ജോപ്പനും പിന്നാലെയുണ്ട്. ചിത്രം ആരാധകര് ഏറ്റെടുക്കുകയും ചെയ്തു.
kerala
നിലമ്പൂര്- ഷൊര്ണൂര് ട്രെയിന് യാത്രക്കാര്ക്ക് ആശ്വാസം; മെമു സര്വീസ് ഉടന്

ഡല്ഹി: മലപ്പുറം- പാലക്കാട് മേഖലകളിലെ ജനങ്ങളുടെ യാത്രാദുരിതത്തിന് ആശ്വാസവുമായി നിലമ്പൂര്-ഷൊര്ണൂര് റെയില്വേ സ്റ്റേഷനുകളെ ബന്ധിപ്പിച്ച് മെമു സര്വീസ് ഉടന് ആരംഭിക്കുമെന്ന് കേന്ദ്ര റെയില്വെ മന്ത്രി അശ്വിനി വൈഷ്ണവ് അറിയിച്ചു. പി.വി അബ്ദുല് വഹാബ് എം.പിയുടെ വര്ഷങ്ങളായുള്ള ശ്രമഫലമായാണ് ഇപ്പോള് മെമു സര്വീസ് നിലമ്പൂരിലേക്ക് നീട്ടുന്നതിനുള്ള അറിയിപ്പ് ലഭിച്ചിരിക്കുന്നത്. ഈ ആവശ്യം ഉയര്ത്തി റെയില്വേ മന്ത്രി, ഉദ്യോഗസ്ഥര് തുടങ്ങിയ അധികാരികളെ നിരന്തരം അദ്ദേഹം സമീപിച്ചിരുന്നു.
ട്രെയിന് നമ്പര് 66325/66326 അനുവദിച്ചതായി ചൂണ്ടിക്കാട്ടി അശ്വിനി വൈഷ്ണവ് കത്തയച്ചു. കേന്ദ്ര റെയില് മന്ത്രിക്ക് എറണാകുളം-ഷൊര്ണൂര് മെമു സര്വീസ് നിലമ്പൂരിലേക്ക് നീട്ടണം തുടങ്ങിയ ആവശ്യങ്ങളുന്നയിച്ച് ഇ.ടി മുഹമ്മദ് ബഷീറും കേന്ദ്ര റെയില്വെ മന്ത്രിയെ കണ്ടിരുന്നു.
kerala
പെട്രോള് പമ്പുകളിലെ ശുചിമുറികള് പൊതുജനങ്ങള്ക്ക് തുറന്നു നല്കണം: ഹൈക്കോടതി
പെട്രോള് പമ്പുകളിലെ ശൗചാലയങ്ങള് 24 മണിക്കൂറും തുറന്നു നല്കണമെന്നും ഹൈക്കോടതി നിര്ദേശിച്ചു

കൊച്ചി: പെട്രോള് പമ്പുകളിലെ ശൗചാലയങ്ങള് ഉപയോഗിക്കുന്നതുമായി ബന്ധപ്പെട്ട ഇടക്കാല ഉത്തരവില് മാറ്റം വരുത്തി ഹൈക്കോടതി. ദേശീയപാതയോരത്തെ പെട്രോള് പമ്പുകളിലെ ശൗചാലയം പൊതുജനങ്ങള്ക്ക് ഉപയോഗിക്കാമെന്ന് ഹൈക്കോടതി പറഞ്ഞു.
പെട്രോള് പമ്പുകളിലെ ശൗചാലയങ്ങള് 24 മണിക്കൂറും തുറന്നു നല്കണമെന്നും ഹൈക്കോടതി നിര്ദേശിച്ചു. ഉപയോക്താക്കള്ക്കും യാത്രികര്ക്കും ശൗചാലയം ഉപയോഗിക്കാമെന്നും ഹൈക്കോടതി വ്യക്തമാക്കി. എന്നാല് ദേശീയ പാതയോരത്ത് അല്ലാത്ത പെട്രോൾ പമ്പുകളിലെ ശൗചാലയ ഉപയോഗത്തിന് നിയന്ത്രണമുണ്ടാകും. അവിടങ്ങളില് ഉപയോക്താക്കള്ക്കും ദീര്ഘദൂര യാത്രക്കാര്ക്കും മാത്രമായിരിക്കും ശൗചാലയം ഉപയോഗിക്കാന് അനുമതി.
സംസ്ഥാനത്തെ പെട്രോള് പമ്പുകളിലെ ശൗചാലയങ്ങള് പൊതു ശൗചാലയങ്ങളാക്കാനുളള സര്ക്കാരിന്റെ ശ്രമങ്ങളെ ചോദ്യംചെയ്ത് പെട്രോളിയം ട്രേഡേഴ്സ് വെല്ഫെയര് ആന്ഡ് ലീഗല് സര്വീസസ് സൊസൈറ്റിയും മറ്റ് അഞ്ച് പെട്രോളിയം റീട്ടെയിലര്മാരും സമര്പ്പിച്ച റിട്ട് ഹര്ജിയില് വാദം കേള്ക്കുന്നതിനിടെ ജസ്റ്റിസ് സി എസ് ഡയസാണ് ഇടക്കാല ഉത്തരവ് ഭേദഗതി ചെയ്തത്. പെട്രോള് പമ്പുകളോട് അനുബന്ധിച്ചുളളത് സ്വകാര്യ ശൗചാലയങ്ങളാണെന്നും അത് പൊതുശൗചാലയങ്ങളാക്കി മാറ്റുന്നത് ഭരണഘടന ഉറപ്പുനല്കുന്ന സ്വത്തവകാശത്തിന്റെ ലംഘനമാണെന്നുമായിരുന്നു ഹര്ജിക്കാരുടെ വാദം.

കോഴിക്കോട്: നാട് മുഴുവന് ലഹരിയില് മുങ്ങുമ്പോള് ഓണ്ലൈന് മദ്യവില്പ്പന എന്ന സര്ക്കാര് നീക്കം എന്ത് വില കൊടുത്തും തടയുമെന്ന് ലഹരി നിര്മാര്ജ്ജന സമിതി. നാടിന്റെ ഭാവി പോലും പരിഗണിക്കാതെയാണ് ഇടത് സര്ക്കാര് പെരുമാറുന്നതെന്ന് ലഹരി നിര്മാര്ജന സമിതി (എല്.എന്.എസ് ) സംസ്ഥാന കമ്മിറ്റി കോഴിക്കോട് ചേര്ന്ന സ്പെഷ്യല് കണ്വെന്ഷന് ആരോപിച്ചു.
മാധ്യമ പ്രവര്ത്തകന് കമാല് വരദൂര് ഉദ്ഘാടനം ചെയ്തു. ഇന്ന് കേരളത്തില് വര്ദ്ധിച്ചുവരുന്ന ലഹരി വ്യാപനം ഗൗരവമായി കാണണമെന്നും ഓണ്ലൈന് വഴിയില് എളുപ്പത്തിലും വേഗത്തിലും മദ്യം എത്തിച്ചു കൊടുക്കുന്ന ഉദാരമായ നയസമീപനം കേരളത്തിന്റെ സാമൂഹ്യ അന്തരീക്ഷത്തില് വന് പ്രത്യാഘാതങ്ങള്ക്ക് വഴിവെക്കുമെന്നും അദ്ദേഹം പറഞ്ഞു. കേരളത്തിലെ സാമൂഹ്യ സമാധാന അന്തരീക്ഷം അതുവഴി പൂര്ണമായി തകരുമെന്നും ഇതിനെതിരെയുള്ള പോരാട്ടം ഓരോ പൗരന്റെയും ധാര്മിക ബാധ്യതയുമാണെന്നും കമാല് അഭിപ്രായപ്പെട്ടു.
നേരത്തെ ലഹരി ഉപയോഗം പരിമിതമായ മേഖലകളില് ഒതുങ്ങി നിന്നിരുന്നുവെങ്കില് ഇന്ന് വിദ്യാര്ത്ഥികളിലും സ്ത്രീ പുരുഷ ഭേദമന്യേ സമൂഹം വ്യാപകമായി ലഹരിയുടെ വലയത്തില് അകപ്പെട്ടിട്ടുണ്ട്. കൃത്യമായ ലഹരിക്കെതിരെയുള്ള പ്രവര്ത്തന പദ്ധതികളും ബോധവല്ക്കരണവും കക്ഷിരാഷ്ട്രീയ ജാതി മത ഭേദമന്യേ സംഘടനകളും പൊതുസമൂഹവും ഏറ്റെടുക്കേണ്ടത് നിര്ബന്ധമാണ്. സംസ്ഥാന സീനിയര് വൈസ് പ്രസിഡന്റ് കെ.പി ഇമ്പിച്ചി മമ്മു ഹാജി അധ്യഷ്യം വഹിച്ചു.
സംസ്ഥാന വര്ക്കിംഗ് പ്രസിഡണ്ട് ഒ.കെ. കുഞ്ഞിക്കോമു മാസ്റ്റര് മുഖ്യപ്രഭാഷണം നടത്തി. മെമ്പര്ഷിപ്പ് പ്രവര്ത്തനം എത്രയും പെട്ടെന്ന് പൂര്ത്തീകരിച്ച് ജനുവരിയോടെ സംസ്ഥാന കമ്മിറ്റി പുനഃസംഘടിപ്പിക്കുന്നതിനും സ്കൂള് ഉന്നത കോളേജ്തലം വരെയുള്ള കുട്ടികള്ക്ക് ബോധവല്ക്കരണം ഉദ്ദേശിച്ചുകൊണ്ട് നടത്തുന്ന ‘ബോധം ക്യാമ്പയിന്’ കൂടുതല് ജനകീയമാക്കുന്നതിനും തീരുമാനിച്ചു സയ്യിദ് ഫസല് ജിഫ്രിതങ്ങള്, ഉമര് വിളക്കോട്, എ ഹമീദ് ഹാജി, കെ ഇ അബ്ദുല് ഷുക്കൂര്, അബ്ദുല് ജലീല് കെ ടി, അബ്ദുല് ലത്തീഫ് ഇ കെ, എം ഹമീദ് ഹാജി, ഖാദര് മുണ്ടേരി, മജീദ് കോടമ്പുഴ, ഷാനവാസ് ടി, കാളാക്കല് മുഹമ്മദ് അലി, സുബൈര് നെല്ലോളി, മജീദ് ഹാജി വടകര, ബാപ്പു ഹാജി താനൂര്, എന് കെ അബ്ദുല് ജലീല്, മുഹമ്മദ് അലി വി കെ, എ എം എസ് അലവി, നവാസ് എറണാകുളം എന്നിവര് സംസാരിച്ചു. എം കെ എ ലത്തീഫ് സ്വാഗതവും, ജമാലുദ്ധീന് നന്ദിയും പറഞ്ഞു.
-
kerala2 days ago
മോര്ച്ചറിയില് സൂക്ഷിച്ച ഗര്ഭിണിയുടെ മൃതദേഹം കാന്റീന് ജീവനക്കാരനെ അടക്കം കാണിച്ചു; ജീവനക്കാരന് സസ്പെന്ഷന്
-
Cricket2 days ago
‘അഞ്ച് ടെസ്റ്റുകള്ക്കായി ബുംറയ്ക്ക് ഐപിഎല് വിശ്രമം നല്കാമായിരുന്നു’: മുന് ഇന്ത്യന് ക്യാപ്റ്റന്
-
GULF3 days ago
ബിജെപിയുടെയും തിരഞ്ഞെടുപ്പ് കമ്മീഷന്റെയും ഒത്തുകളി രാജ്യത്തെ ജനാധിപത്യത്തിന് വൻ ഭീഷണി; ജിദ്ദ കെഎംസിസി സംഘടനാ പാർലിമെന്റ്
-
kerala2 days ago
‘രാജിവെക്കുന്നതിനെ പറ്റി സുരേഷ് ഗോപി ആലോചിക്കണം’; കെ. സുധാകരൻ
-
india2 days ago
സ്വാതന്ത്ര്യദിനം മുസ്ലിം യൂത്ത് ലീഗ് ജനാധിപത്യ സംരക്ഷണ ദിനമായി ആചരിക്കും
-
Film2 days ago
‘ഓണത്തിനൊരുങ്ങി ‘ലോക ചാപ്റ്റര് വണ്: ചന്ദ്ര’, കല്യാണിയും നസ്ലനും സൂപ്പര്ഹീറോ ആവേശത്തില്’
-
News2 days ago
പലസ്തീന് അംഗീകാരം പ്രഖ്യാപിച്ച് ഓസ്ട്രേലിയ
-
india2 days ago
സഹായം ലഭിച്ചില്ല; ഭാര്യയുടെ മൃതദേഹം ബൈക്കില് കൊണ്ടുപോയി ഭര്ത്താവ്