സെലിബ്രിറ്റികള്‍ ആള്‍ക്കുട്ടത്തിനിടയില്‍ പെട്ടാല്‍ എങ്ങനെയുണ്ടാകും? ലോകകപ്പില്‍ അര്‍ജന്റീന കപ്പടിച്ചതോടെ മെസ്സിയും ടീമും ആരാധകരുടെ സ്‌നേഹം കൊണ്ട് വീര്‍പ്പുമുട്ടുകയാണ്. താരത്തെ ഒരുനോക്ക് കാണാന്‍ വീട്ടിന് പുറത്ത് കാത്ത് നില്‍ക്കുന്ന ആരാധകരുടെ സ്‌നേഹം കാണാതെ പോകുന്നത് എങ്ങനെയാണ്. കഴിഞ്ഞ ദിവസം മെസ്സിക്ക് ഉണ്ടായ അനുഭവം ട്വിറ്ററിലൂടെ പങ്കുവെച്ചിരിക്കുകയാണ് അര്‍ജന്റീനയിലെ ഒരു സ്‌പോര്‍സ് അക്കൗണ്ട്.
കഴിഞ്ഞ ദിവസം ബന്ധുവിന്റെ മകളുടെ ജന്മദിനാഘോഷത്തില്‍ പങ്കെടുക്കാന്‍ പുറപ്പെട്ടതായിരുന്നു മെസ്സി. ഭാര്യ ആന്റോണെല്ലയും മക്കളും ഒപ്പമുണ്ടായിരുന്നു. വീടിന് പുറത്തുണ്ടായിരുന്ന ആരാധകര്‍ കാര്‍ കണ്ട് ഞെട്ടി. െ്രെഡവിങ് സീറ്റില്‍ സാക്ഷാല്‍ മെസ്സി തന്നെ. ഇതോടെ താരത്തെ കാണാനായി ആരാധകര്‍ കാര്‍ വളഞ്ഞു. ആരാധകരുടെ സ്‌നേഹപ്രകടനം ഏറെ സമയം നീണ്ടു. ഒടുവില്‍ ഏറെ പണിപ്പെട്ടാണ് മെസ്സി കാര്‍ െ്രെഡവ് ചെയ്ത് മുന്നോട്ട് പോയത്.