കൊച്ചി: ചെറിയ ഇടവേളയ്ക്ക് ശേഷം മമ്മുട്ടിയെ കാണാന്‍ വീട്ടിലെത്തി മോഹന്‍ലാല്‍. മമ്മുട്ടിയ്‌ക്കൊപ്പമുള്ള ചിത്രങ്ങള്‍ സമൂഹമാധ്യമങ്ങളിലൂടെ മോഹന്‍ലാലാണ് പങ്കുവെച്ചത്. ഇച്ചായ്‌ക്കൊപ്പം എന്നാണ് മോഹന്‍ലാല്‍ കുറിച്ചിരിക്കുന്നത്.

പോസ്റ്റ് ചെയ്ത് നിമിഷങ്ങള്‍ക്കകം ചിത്രങ്ങള്‍ വൈറലായി. ലോക്ഡൗണിന് തൊട്ടുമുന്‍പാണ് പനമ്പള്ളി നഗറിലെ വീട്ടില്‍ നിന്ന് മമ്മുട്ടി വൈറ്റിലയിലെ വീട്ടിലേക്ക് താമസം മാറിയത്. നേരത്തെ ആന്റണി പെരുമ്പാവൂരിന്റെ മകളുടെ വിവാഹവിരുന്നിനെത്തിയ ഇരുവരുടേയും ചിത്രങ്ങള്‍ ആരാധകര്‍ ഏറ്റെടുത്തിരുന്നു.

നേരത്തെ മമ്മുട്ടിയുടെ പുതിയ ലുക്ക് വൈറലായിരുന്നു. അമര്‍നീരദ് ചിത്രത്തിന്റെ ഗെറ്റപ്പിലാണ് മമ്മുട്ടി ഇപ്പോഴുള്ളത്.