കോഴിക്കോട് : വിദ്വേഷത്തിനെതിരെ ദുർഭരണത്തിനെതിരെ എന്ന പ്രമേയത്തിൽ മുസ്ലിം യൂത്ത് ലീഗ് സംസ്ഥാന കമ്മറ്റി നടത്തി വരുന്ന ക്യാമ്പയിനിൻ്റെ സമാപനമായി നടക്കുന്ന മഹാറാലിയുടെ വേദിയായ കോഴിക്കോട് കടപ്പുറത്ത് മുസ്ലിം യൂത്ത് ലീഗ് സംസ്ഥാന പ്രസിഡണ്ട് സയ്യിദ് മുനവ്വറലി ശിഹാബ് തങ്ങൾ പതാക ഉയർത്തി.
ജൂലൈ 1 ന് തുടക്കം കുറിച്ച ക്യാമ്പയിനിൻ്റെ ഭാഗമായി യൂത്ത് മീറ്റ്, പ്രതിഭാ ഫെസ്റ്റ്, യു വാത്സവം, സ്മൃതി വിചാരം, യൂത്ത് മാർച്ച് തുടങ്ങിയ പരിപാടികൾ നടത്തിയതിന് ശേഷമാണ് മഹാറാലി സംഘടിപ്പിക്കുന്നത്.
ചടങ്ങിൽ മുസ്ലിം യൂത്ത് ലീഗ് സംസ്ഥാന ജനറൽ സെക്രട്ടറി പി കെ ഫിറോസ്, മുസ്ലിം ലീഗ് ജില്ലാ പ്രസിഡണ്ട് എം. എ റസാഖ് മാസ്റ്റർ, ജനറൽ സെക്രട്ടറി ടി. ടി ഇസ്മായിൽ, മുസ്ലിം ലീഗ് അഖിലേന്ത്യാ അസിസ്റ്റന്റ് സെക്രട്ടറി സി. കെ സുബൈർ, മുസ്ലിം യൂത്ത് ലീഗ് സംസ്ഥാന ട്രഷറർ പി. ഇസ്മായിൽ, അഖിലേന്ത്യാ ജനറൽ സെക്രട്ടറി അഡ്വ. വി. കെ ഫൈസൽ ബാബു, സംസ്ഥാന ഭാരവാഹികളായ ഫൈസൽ ബാഫഖി തങ്ങൾ, അഷ്‌റഫ്‌ എടനീർ, കെ. എ മാഹിൻ, സി.കെ മുഹമ്മദലി, അഡ്വ. നസീർ കാര്യറ, ഗഫൂർ കോൽക്കളത്തിൽ, ടി.പി.എം ജിഷാൻ, ദേശീയ ഓർഗനൈസിങ് സെക്രട്ടറി ടി.പി അഷ്‌റഫലി, വൈസ് പ്രസിഡന്റ്‌ ഷിബു മീരാൻ, സെക്രട്ടറി സാജിദ് നടുവണ്ണൂർ, കോഴിക്കോട് ജില്ല പ്രസിഡന്റ്‌ മിസ്ഹബ് കീഴരിയൂർ, ജനറൽ സെക്രട്ടറി ടി. മൊയ്‌തീൻ കോയ, എം. എസ്. എഫ് സംസ്ഥാന പ്രസിഡന്റ്‌ പി. കെ നവാസ്, ജനറൽ സെക്രട്ടറി സി. കെ നജാഫ്, ആഷിഖ് ചെലവൂർ, കെ.എം.എ റഷീദ്, സി. ജാഫർ സാദിഖ്, റഫിഖ് കൂടത്തായി സംബന്ധിച്ചു.