ഭോപാലിൽ മോഷണകുറ്റം ആരോപിച്ചതിന് വീട്ടമ്മയെ കൊലപ്പെടുത്തി പതിനാറുകാരന്.
മദ്ധ്യപ്രദേശിലെ റേവ ജില്ലയിലാണ് നാടിനെ നടുക്കിയ മൃഗീയ സംഭവം അരങ്ങേറിയത്. ജനുവരി 30ന് കൈലാഷ്‌പുരി ഗ്രാമത്തിലാണ് സംഭവം. സംഭവത്തിൽ 58കാരിയായ വീട്ടമ്മയെയാണ് 16കാരന്‍ ക്രൂരമായി ബലാല്‍സംഗം ചെയ്‌ത ശേഷം കൊലപ്പെടുത്തിയത്. ദിവസങ്ങളായി പൊലീസ് നടത്തിയ അന്വേഷണത്തിനൊടുവിലാണ് പതിനാറുകാരനെ പിടികൂടിയത്.
ചോദ്യംചെയ്യലില്‍ ഇയാള്‍ കുറ്റം സമ്മതിച്ചു.കൊല്ലപ്പെട്ട വീട്ടമ്മയുടെ വീട്ടില്‍ ഇടയ്‌ക്കിടെ ടി.വി കാണാന്‍വന്നിരുന്ന ഇയാള്‍ മൊബൈല്‍ മോഷ്‌ടിച്ചു എന്ന് വീട്ടമ്മയും കുടുംബാംഗങ്ങളും ആരോപിച്ചിരുന്നു. ആരോപണം നാട്ടിലാകെ അറിഞ്ഞതോടെ പതിനാറുകാരന് നാട്ടില്‍ വലിയ അഭിമാനക്ഷതമുണ്ടായി. ഇതിന്റെ പ്രതികാരമായാണ് ബലാല്‍സംഗവും കൊലയും നടത്തിയതെന്ന് ഇയാള്‍ പൊലീസിനോട് സമ്മതിച്ചു. രാത്രി വീട്ടമ്മയുടെ ഭര്‍ത്താവും മകനും ഇല്ലാതിരുന്ന സമയത്താണ് പതിനാറുകാരന് വീട്ടിലെത്തിയത്. ഇവരുടെ പണിനടക്കുന്ന വീട്ടിലേക്ക് വലിച്ചുകൊണ്ടുപോയാണ് വീട്ടമ്മയെ ക്രൂരമായി പീഡിപ്പിച്ചത്