Connect with us

kerala

കോട്ടയത്ത് ലോറിയിടിച്ച്‌ വീട്ടമ്മ മരിച്ച സംഭവത്തില്‍ പാലക്കാട് സ്വദേശിയായ ഡ്രൈവര്‍‌ അറസ്റ്റില്‍

അപകടത്തില്‍ വീട്ടമ്മ തല്‍ക്ഷണം മരിച്ചിരുന്നു

Published

on

കോട്ടയം പൊന്‍കുന്നത്ത് ലോറിയിടിച്ച്‌ വീട്ടമ്മ മരിച്ച സംഭവത്തില്‍ ലോറി ഡ്രൈവറെ പൊലീസ് അറസ്റ്റ് ചെയ്ചു. പാലക്കാട് അഞ്ചുമൂര്‍ത്തി മംഗലം സ്വദേശി ഗിരീഷ്(48) ആണ് അറസ്റ്റിലായത്.കഴിഞ്ഞദിവസം പനമറ്റം രണ്ടാം മൈല്‍ ജംഗ്ഷന് സമീപത്ത് വെച്ച്‌ ബൈക്ക് യാത്രികരായ വീട്ടമ്മയെയും ഇവരുടെ ബന്ധുവിനെയും ഗിരീഷ് ഓടിച്ചിരുന്ന ലോറി ഇടിക്കുകയായിരുന്നു.

അപകടത്തില്‍ വീട്ടമ്മ തല്‍ക്ഷണം മരിച്ചിരുന്നു. പനമറ്റം മാടത്താനില്‍ ലേഖ (ബിജിമോള്‍-50) ആണ് മരിച്ചത്. ബന്ധു പനമറ്റം അഞ്ജു ഭവനില്‍ അര്‍ജുന്‍ ഗുരുതര പരിക്കുകളോടെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരുന്നു.

kerala

ചാലക്കുടിയില്‍ കെഎസ്ആര്‍ടിസി സൂപ്പര്‍ ഫാസ്റ്റ് ബസിന് നേരെ കല്ലേറ്; മുന്നിലെ ചില്ല് തകര്‍ന്നു

ബസിനെ ബൈക്കില്‍ പിന്തുടര്‍ന്ന യുവാവാണ് കല്ലെറിഞ്ഞത്.

Published

on

തൃശൂര്‍: ദേശീയപാതയില്‍ കെഎസ്ആര്‍ടിസി സൂപ്പര്‍ ഫാസ്റ്റ് ബസിന് നേരെ കല്ലേറ്. കല്ലേറില്‍ ബസിന്റെ മുന്നിലെ ചില്ല് പൂര്‍ണമായി തകര്‍ന്നു. ചാലക്കുടിയിലാണ് സംഭവം.

കെഎസ്ആര്‍ടിസി ബസിനെ ബൈക്കില്‍ പിന്തുടര്‍ന്ന യുവാവാണ് കല്ലെറിഞ്ഞത്. തൃശൂരില്‍ നിന്ന് ചാലക്കുടി വരെ ബൈക്കിലെത്തിയ യുവാവ് ചാലക്കുടിയില്‍ കല്ലുമായി കാത്തുനിന്നു. ബസ് എത്തിയ സമയത്ത് കല്ലെറിഞ്ഞ ശേഷം ബൈക്കില്‍ യുവാവ് രക്ഷപ്പെടുകയായിരുന്നു.

തിരുവനന്തപുരത്തേയ്ക്ക് പോവുകയായിരുന്ന കെഎസ്ആര്‍ടിസി സൂപ്പര്‍ ഫാസ്റ്റ് ബസിന് നേരെയായിരുന്നു കല്ലേറ് നടന്നത്. സംഭവത്തില്‍ പൊലീസ് അന്വേഷണം ആരംഭിച്ചു.

Continue Reading

kerala

കെപിസിസി ഡിജിറ്റല്‍ മീഡിയ സെല്‍ പുനഃസംഘടിപ്പിച്ചു: നയിക്കുന്നത് ജനകീയ മുഖങ്ങള്‍

ഡിജിറ്റല്‍ പ്ലാറ്റ്‌ഫോം സംവിധാനം പുനഃസംഘടിപ്പിക്കാന്‍ കെപിസിസി നേരത്തെ തന്നെ തീരുമാനിച്ചിരുന്നു

Published

on

തിരുവനന്തപുരം: കെപിസിസി ഡിജിറ്റല്‍ മീഡിയ സെല്‍ പുനഃസംഘടിപ്പിച്ചു. ചെയര്‍മാന്‍ വിടി ബല്‍റാം, ഡോ. പി സരിന്‍ കണ്‍വീനര്‍, ബിആര്‍എം ഷെഫീര്‍, രാഹുല്‍ മാങ്കൂട്ടത്തില്‍, നിഷ സോമന്‍, വീണ എസ് നായര്‍, താര ടോജോ അലക്‌സ്, ടിആര്‍ രാജേഷ് എന്നിവരടങ്ങിയ അംഗങ്ങളാണ് പുതുതായി വരുന്നത്.

അനില്‍ ആന്റണി സ്ഥാനമൊഴിഞ്ഞതിനെ തുടര്‍ന്നാണ് മീഡിയ സെല്‍ പുനഃസംഘടിപ്പിച്ചത്. നിയമസഭ തെരഞ്ഞെടുപ്പിന് ശേഷം ഡിജിറ്റല്‍ മീഡിയ ആന്‍ഡ് ഡിജിറ്റല്‍ പ്ലാറ്റ്‌ഫോം സംവിധാനം പുനഃസംഘടിപ്പിക്കാന്‍ കെപിസിസി നേരത്തെ തന്നെ തീരുമാനിച്ചിരുന്നു.

അനില്‍ ആന്റണി ഒഴിഞ്ഞതോടെ പുനഃസംഘടന നേതൃത്വം വേഗത്തിലാക്കുകയായിരുന്നു. തൃശ്ശൂര്‍ തിരുവില്വാമല സ്വദേശിയായ ഡോ. സരിന്‍ ഓഡിറ്റ് ആന്‍ഡ് അക്കൗണ്ട്‌സ് സര്‍വീസില്‍ കര്‍ണാടകയില്‍ ഡെപ്യൂട്ടി അക്കൗണ്ടന്റ് ജനറലായിരിക്കെയാണ് ജോലി രാജിവെച്ച് കോണ്‍ഗ്രസില്‍ ചേര്‍ന്നത്. നിലവില്‍ യൂത്ത് കോണ്‍ഗ്രസ് സംസ്ഥാന സെക്രട്ടറിയാണ്. കഴിഞ്ഞ നിയമസഭ തെരഞ്ഞെടുപ്പില്‍ ഒറ്റപ്പാലത്തെ യുഡിഎഫ് സ്ഥാനാര്‍ത്ഥിയായിരുന്നു.

Continue Reading

kerala

കാളമ്പാടി അബ്ബാസ് ഫൈസി (55) നിര്യാതനായി

ഒരുവര്‍ഷംമുമ്പാണ ്‌നാട്ടിലെത്തി തിരിച്ചുവന്നത്.

Published

on

സമസ്ത മുന്‍പ്രസിഡന്റ് കാളമ്പാടി മുഹമ്മദ് മുസ്‌ലിയാരുടെ മകന്‍ കാളമ്പാടി അബ്ബാസ് ഫൈസി (55) നിര്യാതനായി. ഹൃദയാഘാതത്തെതുടര്‍ന്ന് മക്കയില്‍ നിര്യാതനായി. 30 വര്‍ഷമായി പ്രവാസിയാണ്.ശറഇയില്‍ പച്ചക്കറി കച്ചവടക്കാരനാണ്. ഒരുവര്‍ഷംമുമ്പാണ ്‌നാട്ടിലെത്തി തിരിച്ചുവന്നത്. ഭാര്യ ഹഫ്‌സത്ത്. നാലുമക്കള്‍. മയ്യിത്ത് മക്കയില്‍ ഖബറടക്കം നടത്തും.

Continue Reading

Trending