വൈദ്യുതി സര്ചാര്ജ് എല്ലാ മാസവും ഈടാക്കണമെന്ന കേന്ദ്ര നിര്ദേശം കേരളത്തിലും നടപ്പാക്കുന്നു. വൈദ്യുതി വാങ്ങല് ചെലവിന്റെ അധികബാധ്യത ഇന്ധന സര്ചാര്ജായി ഈടാക്കുന്നതിന് സമാനമായി കുറഞ്ഞാല് അതിന്റെ ഗുണവും ഉപഭോക്താക്കള്ക്ക് നല്കണമെന്ന് സംസ്ഥാനം ആവശ്യപ്പെടും.
എല്ലാ മാസവും സര്ചാര്ജ് ഈടാക്കണമെന്ന കേന്ദ്രനിര്ദേശം മന്ത്രി കെ. കൃഷ്ണന്കുട്ടിയുടെ അധ്യക്ഷതയില് ചേര്ന്ന ഉന്നതതല യോഗം ചര്ച്ച ചെയ്തു. ജനങ്ങളുടെ എതിര്പ്പുണ്ടാകാത്തവിധം നടപ്പാക്കണമെന്ന അഭിപ്രായമാണ് ഉയര്ന്നത്. നിയമോപദേശത്തിനുശേഷം തുടര്നടപടി സ്വീകരിക്കുമെന്ന് മന്ത്രി അറിയിച്ചു.