യു.പി: അലിഗഢ് മുസ്ലിം സർവ്വകലാശാല എം.എസ്.എഫ് യൂണിറ്റിന്റെ ആഭിമുഖ്യത്തിൽ ബ്ലാങ്കറ്റ് വിതരണം നടത്തി. റോഷൻ മുസ്തഖ്ബിൽ ഫൌണ്ടേഷനു കീഴിലെ വിദ്യാർത്ഥികൾക്ക് ബ്ലാങ്കറ്റ് വിതരണം ചെയ്തുകൊണ്ട് എം.എസ്.എഫ് ദേശീയ പ്രസിഡണ്ട് അഹമ്മദ് സാജു ഉദ്ഘാടനം നിർവ്വഹിച്ചു.
ഒരു മാസക്കാലം നീണ്ടുനിന്ന ക്യാംപയിന്റെ ഭാഗമായി സമാഹരിച്ച എഴുപതോളം ബ്ലാങ്കറ്റുകൾ വിദ്യാർത്ഥികൾക്കിടയിലും തെരുവു നിവാസികൾക്കിടയിലും വിതരണം ചെയ്തതായി എം.എസ്.എഫ് യൂണിറ്റ് പ്രസിഡണ്ട് സജ്ജാദ് ഹുസൈൻ പറഞ്ഞു. സർവ്വകലാശാല അധ്യാപകരായ ഡോ. അബ്ദുൽ അസീസ്, ഡോ. മുനീർ അരംകുഴിയൻ, റഫ്സൽ ബാബു എന്നിവരും റോഷൻ മുസ്തഖ്ബിൽ ഫൌണ്ടേഷൻ പ്രസിഡണ്ട് റുക്സർ, മുനവ്വർ ഹാനിഹ്, ഫായിസ് അറക്കൽ എന്നിവരും സംസാരിച്ചു. യൂണിറ്റ് ട്രഷറർ ഫിദ സ്വാഗതവും സെക്രട്ടറി താഹ ഉവൈസ് നന്ദിയും പറഞ്ഞു.