ന്യൂഡല്‍ഹി: റണ്‍വേയിലൂടെ നീങ്ങുന്നതിനിടെ വിമാനനത്തിന്റെ എമര്‍ജന്‍സി വാതില്‍ ബിജെപി എംപി തേജസ്വി സൂര്യ തുറന്നത് അബദ്ധത്തില്‍ സംഭവിച്ചതാണെന്ന് വ്യോമയാന മന്ത്രി ജ്യോതിരാദിത്യ സിന്ധ്യ.സംഭവത്തില്‍ തേജസ്വി മാപ്പുപറഞ്ഞതായും മന്ത്രി പറഞ്ഞു. ഇതുസംബന്ധിച്ച്‌ ഇന്‍ഡിഗോ പ്രസ്താവന പുറത്തിറക്കുകയും ചെയ്തിരുന്നു. കമ്ബനിയുടെ ചെന്നൈ-ട്രിച്ചി വിമാനത്തിലായിരുന്നു സംഭവം. വിമാനത്തിന്റെ എമര്‍ജന്‍സി വാതില്‍ എം.പി അബദ്ധത്തില്‍ തുറക്കുകയായിരുന്നു. ഡിസംബര്‍ 10നാണ് സംഭവമുണ്ടായത്. യാത്രക്കാര്‍ വിമാനത്തിലേക്ക് കയറുമ്ബോഴായിരുന്നു സംഭവം.
എമര്‍ജന്‍സി വാതില്‍ തുറന്നത് ബി.ജെ.പി എം.പിയാണെന്ന റിപ്പോര്‍ട്ടുകള്‍ പുറത്ത് വന്നതിന് പിന്നാലെ വിമര്‍ശനവുമായി കോണ്‍ഗ്രസ് രംഗത്തെത്തിയിരുന്നു. എന്നാല്‍, അത്തരം ആരോപണങ്ങള്‍ക്കൊന്നും മറുപടി പറയാന്‍ താനില്ലെന്ന് സിന്ധ്യ പറഞ്ഞു.