വയനാട് : പേരിയ ചുരത്തില്‍ രണ്ടാം വളവില്‍ ലോറി താഴ്ചയിലേക്ക്
മറിഞ്ഞ് അപകടം. കര്‍ണാടകയില്‍ നിന്നും പെയിന്റുമായി കണ്ണൂര്‍ ഭാഗത്തേക്ക് പോകുകയായിരുന്ന ലോറിയാണ് അപകടത്തില്‍പ്പെട്ടത്. അപകടത്തില്‍ ലോറി ഡ്രൈവര്‍ കര്‍ണാടക സ്വദേശി ബസുരാജ് (30), സഹായി ചന്ദ്ര (27) എന്നിവര്‍ക്ക്
പരിക്കേറ്റു. ഇരുവരേയും പരിയാരം മെഡിക്കല്‍ കോളേജില്‍ പ്രവേശിപ്പിച്ചു. ഇതില്‍ ബസുരാജിന്റെ പരിക്ക് ഗുരുതരമാണ്. ലോറിയുടെ ക്വാബിനുള്ളില്‍ കുടുങ്ങിയ ബസുരാജിനെ പേരാവൂര്‍, ഇരിട്ടി ഫയര്‍ഫോഴ്സ് യൂണിറ്റ് അംഗങ്ങളും,പോലീസും, പേരിയ റെസ്ക്യൂ ടീമും ,ജാഗ്രത സമിതിയും ചേര്‍ന്ന് പുറത്തെടുത്തു.