കോഴിക്കോട് വച്ച് മരണപ്പെട്ട അതിഥി തൊഴിലാളിയുമായി കോഴിക്കോട്ടേക്ക് പോയ ആംബുലന്‍സിന് സുരക്ഷയൊരുക്കി ബിഹാര്‍ പൊലീസ്.
ബിഹാറിലെ പൂര്‍ണിയ ജില്ലയിലേക്ക് മൃതദേഹവുമായി പോകുകയായിരുന്ന ഈ ആംബുലന്‍സിന് നേരെ ഇന്നലെ മധ്യപ്രദേശില്‍ വച്ച് വെടിവയ്പ്പുണ്ടായിരുന്നു. ജബല്‍പൂര്‍ – റിവ ദേശീയപാതയില്‍ വച്ചാണ് ആംബുലന്‍സിന് നേരെ ആക്രമണമുണ്ടായത്.
എയര്‍ഗണ്‍ ഉപയോഗിച്ചാണ് വാഹനത്തിന് നേരെ വെടിവച്ചതെന്ന് സംശയിക്കുന്നതെന്നും വെടിയേറ്റ് ആംബുലന്‍സിന്റെ ചില്ല് തകര്‍ന്നെന്നും ഡ്രൈവര്‍ ഫഹദ് ഒരു ഓണ്‍ലൈന്‍ ന്യൂസിനോട് പറഞ്ഞു. വെടിവയ്പ്പിനെ തുടര്‍ന്ന് മൃതദേഹവുമായി ആംബുലന്‍സ് റിവ പൊലീസ് സ്റ്റേഷനിലെത്തി പരാതി നല്‍കി.