തമിഴ്നാട് നടരാജപുരം സ്വദേശി പളനിവേലന്റെ മൃതദേഹം നാടണഞ്ഞു. കഴിഞ്ഞ മാസം തബൂകിൽ നിര്യാതനായ പളനിവേലന്റെ ( 56 ) മൃതദേഹമാണ് നാട്ടിലെത്തിച്ചത്. ഇദ്ദേഹം നിയോം കേന്ദ്രീകരിച്ച് പ്രമുഖ കമ്പനിയിൽ കെട്ടിട നിർമ്മാണ മേഖലയിൽ ജോലി ചെയ്യുകയായിരുന്നു.
രണ്ട് മാസങ്ങൾക്ക് മുൻപാണ് ഇദ്ദേഹം സൗദി അറേബ്യയിൽ എത്തിയത്. കമ്പനിയുടെ സഹകരണത്തോടെ തബുക് കെ എം സി സി വെൽഫെയർ വിങ്ങിന്റെശ്രമഫലമായാണ് മൃതദേഹം നാട്ടിലെത്തിച്ചത്. ഭാര്യ ദീപാലക്ഷ്മിയും മകൻ ശിവബാലനും അടങ്ങുന്നതാണ് കുടുംബം.