പ്ലസ് ടൂ വിദ്യാര്‍ഥിനി കോഴിക്കോട് എംബിബിഎസ് ക്ലാസില്‍. അധികൃതര്‍ ശ്രദ്ധിച്ചത് അഞ്ചാം ദിനം. കോഴിക്കോട് ഗവണ്‍മെന്റ് മെഡിക്കല്‍ കോളേജിലാണ് സംഭവം. പ്ലസ് ടു മാത്രം യോഗ്യതയുള്ള വിദ്യാര്‍ത്ഥിനി നാല് ദിവസം ക്ലാസ്സില്‍ ഹാജരായി. ഹാജര്‍ പട്ടികയിലും പേര് വന്നു. അഞ്ചാം ദിവസം വിദ്യാര്‍ഥിനി വരാതിരുന്നതില്‍ നടത്തിയ അന്വേഷണത്തിലാണ് അധികൃതര്‍ വീഴ്ച ശ്രദ്ധിച്ചത്.
നവംബര്‍ 21 ന് ആരംഭിച്ച ഒന്നാം വര്‍ഷ ക്ലാസ്സില്‍ ആകെ 245 പേര്‍ക്കായിരുന്നു പ്രവേശനം ലഭിച്ചിരുന്നത്. എന്നാല്‍ ഹാജര്‍ പട്ടികയില്‍ ഉള്‍പ്പടെ 246 കുട്ടികളുടെ പേര് വന്നു. ഇതിലാണ് കോളേജ് അധികൃതര്‍ക്ക് വ്യക്തത ലഭിക്കാതിരിക്കുന്നത്. പ്രിന്‍സിപ്പലിന്റെ പരാതി പ്രകാരം അന്വേഷണം ആരംഭിച്ചു.