വീട്ടില്‍ അതിക്രമിച്ചുകയറി യുവതിയെയും ബന്ധുക്കളെയും വെടിവെച്ചു വീഴ്ത്തിയ ശേഷം പൊലീസുകാരന്‍ ട്രെയിനിനു മുന്നില്‍ ചാടി ജീവനൊടുക്കി. പൊലീസുകാരന്‍ നടത്തിയ വെടിവെപ്പില്‍ യുവതിയുടെ പിതാവ് കൊല്ലപ്പെട്ടു. യുവതിയും സഹോദരനും ചികിത്സയിലാണ്. മധ്യപ്രദേശിലെ ഷാജാപൂര്‍ ജില്ലയില്‍ ഞായറാഴ്ച രാത്രിയാണ് സംഭവം ഉണ്ടായത്. മധ്യപ്രദേശ് പോലീസില്‍ ഡ്രൈവറായ സുഭാഷ് ഗാരടി (26) യുവതിയുടെ വീട്ടില്‍ കയറി ആക്രമം നടത്തുകയായിരുന്നു. ആക്രമം നടത്തിയതിന് പിന്നാലെ ഇദ്ദേഹം വെടിയുതിര്‍ക്കുകയായിരുന്നു.പിന്നാലെ പരിക്കേറ്റവരെ ആശുപത്രിയില്‍ പ്രവേശിപ്പിച്ചു.
കൃത്യം നടത്തിയ ശേഷം സംഭവസ്ഥലത്ത് നിന്ന് രക്ഷപ്പെട്ട പൊലീസുകാരനെ പിന്നീട് റെയില്‍വേ ട്രാക്കില്‍ മരിച്ച നിലയില്‍ കണ്ടെത്തി. ഇയാള്‍ ആത്മഹത്യ ചെയ്തു എന്നാണ് പ്രാഥമികമായി അറിയാന്‍ കഴിയുന്നത്.അതേസമയം യുവതിയും പോലീസുകാരനും തമ്മില്‍ അടുപ്പത്തിലായിരുന്നുവെന്നും ഈ ബന്ധത്തില്‍ വന്ന വിള്ളലാണ്് ആക്രമത്തിന് പിന്നിലെന്നുമാണ് പൊലീസ് നല്‍കുന്ന വിശദീകരണം.