കൊച്ചി: കൊച്ചിയില്‍ നടി കാറില്‍ ആക്രമിക്കപ്പെടുന്നതിന്റെ ദൃശ്യങ്ങള്‍ പകര്‍ത്തി മൊബൈല്‍ ഫോണ്‍ കണ്ടെത്താനാകാതെ പൊലീസ്. പ്രധാന പ്രതി പള്‍സര്‍ സുനി മൊബൈല്‍ കൈമാറിയെന്ന് പറയുന്ന അഭിഭാഷകന്‍ പ്രതീഷ് ചാക്കോയെ പൊലീസ് ഇന്നലെ ചോദ്യംചെയ്തു. ദൃശ്യങ്ങള്‍ അടങ്ങിയ മൊബൈല്‍ ഫോണ്‍ താന്‍ നശിപ്പിച്ചതായി പ്രതീഷ് ചാക്കോ പൊലീസിന് മൊഴി നല്‍കി. സുനി തനിക്ക് നല്‍കിയ മൊബൈല്‍ ഫോണ്‍ ജൂനിയറിന് കൈമാറിയെന്നും നശിപ്പിച്ചെന്നും പ്രതീഷ് ചാക്കോ പൊലീസിനോട് പറഞ്ഞത്. എന്നാല്‍ ഇത് ശരിയാണോ എന്നതു സംബന്ധിച്ച് പൊലീസ് അന്വേഷിക്കും.