ബര്‍മ്മിങ്ഹാം : ക്രൂര ബലാത്സംഗത്തിനിരയായി കൊല്ലപ്പെട്ട ആസിഫ ക്ക് നീതി ലഭിക്കണമെന്നാവശ്യപ്പെട്ട ബ്രിട്ടനിലും പ്രതിഷേധം. കെഎംസിസി യുടെ നേതൃത്വത്തിലാണ് ആസിഫക്ക് ഐക്യദാര്‍ഢ്യം പ്രകടനം നടന്നത്. കാശ്മീരി പിഞ്ചുബാലികയായ ആസിഫ എന്ന വിദ്യാര്‍ത്ഥിനിയെ ദിവസങ്ങളോളം ബലാല്‍സംഗം ചെയ്യുകയും അതിമൃഗീയമായ രീതിയില്‍ കൊലപ്പെടുത്തുകയും ചെയ്ത സംഘപരിവാര്‍ – പോലീസ് ഉന്നത പ്രതികളെ ഉടന്‍ നിയമത്തിന്റെ മുന്നില്‍ കൊണ്ടുവരണമെന്നും , ഇന്ത്യ പോലുള്ള മഹിത പാരമ്പര്യമുള്ള ഒരു ജനാധിപത്യ രാജ്യത്തെ കശാപ്പു ചെയ്യുന്ന ഫാസിസ്റ്റു വര്‍ഗ്ഗീയതയെ പ്രതിരോധിക്കാന്‍ മുഴുവന്‍ ജനാധിപത്യ വിശ്വാസികളും മുന്നോട്ടുവരണമെന്നും ബ്രിട്ടന്‍ കെഎംസിസി ആവശ്യപ്പെട്ടു.