ദേവികുളം ഉപതെരഞ്ഞെടുപ്പ് റദ്ദാക്കിയതിനെതിരെ എ.രാജ സമര്‍പ്പിച്ച ഹരജിയില്‍ സുപ്രീം കോടതി അടുത്ത വെള്ളിയാഴ്ച വാദം കേള്‍ക്കും. താന്‍ ഹിന്ദുമത വിശ്വാസിയാണെന്ന് രാജ കോടതിയെ അറിയിച്ചു. തന്റെ പൂര്‍വികര്‍ 1950ന് മുമ്പ് കേരളത്തിലേക്ക് എത്തിയവരാണെന്നും ഹിന്ദുമത ആചാര പ്രകാരമാണെന്നും താന്‍ വിവാഹം കഴിച്ചതെന്നും രാജ കോടതിയില്‍ വ്യക്തമാക്കി.
യു.ഡി.എ.ഫ് സ്ഥാനാര്‍ഥിയായിരുന്ന ഡി.കുമാര്‍ നല്‍കിയ പരാതിയെ തുടര്‍ന്നാണ് ഹൈക്കോടതി രാജയുടെ എം.എല്‍.എ സ്ഥാനം റദ്ദാക്കിയത്. സി.പി.എം സ്ഥാനാര്‍ഥിയായ രാജ വ്യാജ ജാതി സര്‍ട്ടിഫിക്കറ്റ് ഹാജരാക്കിയാണ് തെരഞ്ഞെടുപ്പില്‍ മത്സരിച്ചതെന്നാണ് ഡി.കുമാറിന്റെ ആരോപണം.