തിരൂരില്‍ സിപിഎം നേതാക്കള്‍ക്കെതിരെ പോസ്റ്ററുകള്‍. ഏരിയ സെക്രട്ടറിക്കും അര്‍ബന്‍ ബാങ്ക് ചെയര്‍മാനും എതിരെയാണ് തിരൂരിലെ പാര്‍ട്ടിയെ രക്ഷിക്കണമെന്ന് ആവശ്യപ്പെട്ടുകൊണ്ട് സേവ് സിപിഎം എന്ന പേരില്‍ പോസ്റ്റര്‍ പ്രത്യക്ഷപ്പെട്ടിരിക്കുന്നത്.
നഗരസഭ ടൗണ്‍ഹാള്‍ പരിസരത്തെ ചുമരുകളിലാണ് പോസ്റ്റര്‍ പ്രത്യക്ഷപ്പെട്ടത്. കോര്‍പ്പറേറ്റ് മുതലാളിമാരുടെ കയ്യില്‍ നിന്നും റിയല്‍ എസ്റ്റേറ്റ് മാഫിയകളുടെ കയ്യില്‍ നിന്നും പാര്‍ട്ടിയെ രക്ഷിക്കുക എന്നതടങ്ങുന്നതാണ് ഉള്ളടക്കം.