ന്യുഡല്‍ഹി: മൈതാനത്ത് പ്രാര്‍ത്ഥിച്ചതിനും പരാതി. പാക്കിസ്താന്‍ ബാറ്റര്‍ മുഹമ്മദ് റിസ്‌വാനെതിരെ രാജ്യാന്തര ക്രിക്കറ്റ് കൗണ്‍സിലിന് പരാതി നല്‍കിയത് അഭിഭാഷകനായ വിനീത് ജിന്റാല്‍. ഹൈദരാബാദിലെ രാജിവ് ഗാന്ധി സ്‌റ്റേഡിയത്തില്‍ ലങ്കക്കെതിരായ മല്‍സരത്തിന് ശേഷം റിസ്‌വാന്‍ പ്രാര്‍ത്ഥന നടത്തിയിരുന്നു. ഇത് ചട്ടങ്ങള്‍ക്ക് വിരുദ്ധമാണെന്നാണ് പരാതി.
എന്നാല്‍ മൈതാനത്ത് പ്രാര്‍ത്ഥിക്കുന്നത് പുതിയ സംഭവമല്ല. പാക്കിസ്താന്‍, അഫ്ഗാനിസ്താന്‍ ടീമുകളിലെ താരങ്ങളെല്ലാം കളിക്കിടെയും പരിശീലനത്തിനിടെയും പ്രാര്‍ത്ഥന നടത്താറുണ്ട്. പ്രാര്‍ത്ഥനാ കാര്യത്തില്‍ ഇടപെടില്ലെന്നും ഇത്തരത്തിലുള്ള പരാതികളില്‍ കഴമ്പില്ലെന്നുമാണ് ഐ.സി.സി വിലയിരുത്തല്‍. ലോകകപ്പില്‍ ശ്രീലങ്കക്കെതിരായ തകര്‍പ്പന്‍ മല്‍സര വിജയത്തിന് ശേഷം ആ വിജയം റിസ്‌വാന്‍ ഗസയില്‍ ഇസ്രാഈലി ആക്രമണത്തിനിരയായ ഫലസ്തീനികള്‍ക്കായി സമര്‍പ്പിച്ചിരുന്നു.