മുഖ്യമന്ത്രി സ്പീക്കറെ ഭീഷണിപ്പെടുത്തി ചെയറിന്റെ നിക്ഷ്പക്ഷമായ പ്രവർത്തനം ഇല്ലാതാക്കിയിരിക്കുകയാണെന്ന് യൂത്ത് കോൺഗ്രസ് സംസ്ഥാന അധ്യക്ഷൻ
ഷാഫി പറമ്പിൽ എം.എൽ.എ കൊല്ലത്ത് വാർത്താ സമ്മേളനത്തിൽ പറഞ്ഞു. ജനകീയവിഷയങ്ങൾ അടിയന്തരപ്രമേയമായി അവതരിപ്പിക്കാനുള്ള അവകാശംപോലും നിഷേധിക്കുകയാണ്. ഇതാണ് സംഘർഷത്തിലേക്ക് വഴിവയ്‌ക്കുന്നതെന്ന് ഷാഫി പറമ്പിൽ പറഞ്ഞു. സഭാ ടി.വി. യെ പാർട്ടി ടി.വി.യാക്കി മാറ്റിയെന്നും ഷാഫി പറമ്പിൽ ആരോപിച്ചു.