ഇടുക്കിയില്‍ വാഹനാപകടത്തില്‍ രണ്ട് യുവാക്കള്‍ മരിച്ചു. അണക്കര സ്വദേശികളായ അലന്‍ കെ.ഷിബു ഷാനെറ്റ് ഷൈജു എന്നിവരാണ് ചെല്ലാര്‍കോവിലിലുണ്ടായ അപകടത്തില്‍ മരിച്ചത്. തമിഴ്‌നാട്ടിലേക്ക് ഏലത്തോട്ടം തൊഴിലാളികളുമായി പോവുകയായിരുന്ന വാഹനത്തിലേക്ക് ഇരുവരും സഞ്ചരിച്ചിരുന്ന വാഹനം ഇടിക്കുകയായിരുന്നു.

മലാപ്പറമ്പ് സെക്‌സ് റാക്കറ്റ് കേസില്‍ പിടിയിലായ പൊലീസുകാര്‍ക്ക് ജാമ്യം. താമരശേരി കോരങ്ങാട് വച്ച് പിടികൂടിയ ഡ്രൈവര്‍ കെ.ഷൈജിത്ത്, കെ.സനിത്ത് എന്നിവര്‍ക്കാണ് കോടതി ജാമ്യം നല്‍കിയത്.

കേസില്‍ പ്രതികളായ ഇരുവരെയും സര്‍വീസില്‍ നിന്ന് സസ്‌പെന്‍ഡ് ചെയ്തിരുന്നു. പിടിയിലായ പൊലീസ് ഉദ്യോഗസ്ഥര്‍ക്ക് സെക്‌സ് റാക്കറ്റുമായി നേരിട്ട് ബന്ധമുണ്ടെന്നും സാമ്പത്തിക ഇടപാടുകള്‍ നടത്തിയെന്നും കണ്ടെത്തിയിരുന്നു. തുടര്‍ന്നാണ് ഇരുവരെയും അന്വേഷണവിധേയമായി സസ്‌പെന്‍ഡ് ചെയ്തത്. ഇതിന് പിന്നാലെ ഇവര്‍ ഒളിവില്‍ പോയിരുന്നു.

പ്രതിഷേധങ്ങള്‍ നിലനില്‍ക്കെ രാജ്ഭവനില്‍ വീണ്ടും കവിക്കോടിയേന്തിയ ഭാരതാംബയുടെ ചിത്രം. സിംഹപ്പുറത്തിരിക്കുന്ന കാവിക്കോടിയേന്തിയ ഭാരതാംബയുടെ ചിത്രവും, നിലവിളക്കുമാണ് രാജ്ഭവനിലെ പ്രഭാഷണവേദിയിലാണ് ഇന്നും പ്രത്യക്ഷപ്പെട്ടത്. നേരത്തെ എസ്.ഗുരുമൂര്‍ത്തിയുടെ പ്രഭാഷണവേദിയിലും സമാന ചിത്രമുണ്ടായിരുന്നു. ഈ ചിത്രം മാറ്റണമെന്ന് ആവശ്യപ്പെട്ടിരുന്നെങ്കിലും ചിത്രം മാറ്റാനാകില്ലെന്നായിരുന്നു രാജ്ഭവന്‍ നിലപാട്.