തിരുവനന്തപുരം: വ്യാജ വാര്‍ത്ത കണ്ടെത്തുന്ന സമിതിയില്‍ ആരോഗ്യ വകുപ്പ് ജോയിന്റ് സെക്രട്ടറി ശ്രീറാം വെങ്കിട്ടരാമന്‍.സര്‍ക്കാരിനെതിരായ വാര്‍ത്തകള്‍ വ്യാജമെന്നു മുദ്ര കുത്തുന്ന പബ്ലിക് റിലേഷന്‍സ് വകുപ്പ് ഫാക്ട് ചെക് വിഭാഗത്തില്‍ നടപടികള്‍ വിവാദമായിരിക്കെയാണു ശ്രീറാമിനു പുതിയ ചുമതല. ആരോഗ്യ രംഗത്ത് വരുന്ന വ്യാജവാര്‍ത്തകള്‍ കണ്ടെത്തുന്ന സമിതിയില്‍ അംഗമായാണ് പ്രവര്‍ത്തിക്കുക.
മാധ്യമപ്രവര്‍ത്തകന്‍ കെഎം ബഷീര്‍ കാറിടിച്ചു കൊല്ലപ്പെട്ട കേസില്‍ ഒന്നാം പ്രതിയായ ശ്രീറാം സസ്‌പെന്‍ഷനിലായിരുന്നു. കഴിഞ്ഞ മാര്‍ച്ചിലാണ് സര്‍ക്കാര്‍ ശ്രീറാമിനെ തിരിച്ചെടുത്തത്.