ഭര്‍ത്താവ് ചോക്ലേറ്റ് വാങ്ങി നല്‍കാത്തതില്‍ ഭാര്യ മനംനൊന്ത് ജീവനൊടുക്കി. ബെംഗളൂരു ഹെന്നൂര്‍ബണ്ടെ ഹൊന്നപ്പ ലേഔട്ടില്‍ താമസിക്കുന്ന ഗൗതമിന്റെ ഭാര്യ നന്ദിനി(29)യാണ് വീട്ടില്‍ തൂങ്ങി മരിച്ച നിലയില്‍ കണ്ടെത്തിയത്. വ്യാഴായ്ച വൈകീട്ടോടെയായിരുന്നു സംഭവം.
നഗരത്തിലെ സലൂണില്‍ ജീവനക്കാരനാണ് ഗൗതം. വ്യാഴായ്ച രാവിലെ ഗൗതം ജോലിക്ക് പോകാന്‍ ഒരുങ്ങുന്നതിനിടെ ഭാര്യ ഇയാളെ തടഞ്ഞുനിര്‍ത്തുകയും വഴക്കുണ്ടാക്കുകയും ചെയ്തിരുന്നു. തനിക്ക് ചോക്ലേറ്റ് വാങ്ങിനല്‍കണമെന്നും യുവതി ആവശ്യപ്പെട്ടു. തുടര്‍ന്ന് താന്‍ ചോക്ലേറ്റുമായി തിരികെവരാമെന്ന് പറഞ്ഞ് ഗൗതം പോയി. എന്നാല്‍ ഇതിനുശേഷം നന്ദിനി പലതവണ ഫോണ്‍വിളിച്ചെങ്കിലും ഗൗതം മറുപടി നല്‍കിയില്ല. ഇതിനു പിന്നാലെ രാവിലെ 11.45ഓടെയാണ് ഞാന്‍ പോകുന്നു എന്ന് നന്ദിനി ഭര്‍ത്താവിന് വാട്‌സാപ്പില്‍ സന്ദേശം അയച്ചു.
വീട്ടില്‍ നേരത്തെ എത്തണമെന്നും കുട്ടികളുടെ കാര്യങ്ങളെല്ലാം നോക്കണമെന്നും സന്ദേശത്തിലുണ്ടായിരുന്നു. ഇതോടെ പരിഭ്രാന്തനായ ഗൗതം ഭാര്യയെ ഫോണില്‍ വിളിച്ചെങ്കിലും പ്രതികരണമുണ്ടായില്ല. തുടര്‍ന്ന വീട്ടിലെത്തി പരിശോധിച്ചതോടെയാണ് ഭാര്യയെ തൂങ്ങി മരിച്ച നിലയില്‍ കണ്ടത്. കോളേജ് പഠമകാലംതൊട്ട് ഗൗതവും നന്ദിനിയും ഏറെ കാലത്തെ പ്രണയത്തിന് ശേഷമാണ് വിവാഹിതരായത്.