അബുദാബി: വാഹനങ്ങളുടെ സണ്‍റൂഫിലൂടെയും സൈഡ് വിന്‍ഡോകളിലൂടെയും ശരീരഭാഗങ്ങള്‍ പുറത്തിടുന്നതിനെതിരെ ശക്തമായ മുന്നറിയിപ്പുമായി അബുദാബി പൊലീസ്.
സണ്‍റൂഫിലൂടെയോ സൈഡ് വിന്‍ഡോകളിലൂടെയോ ശരീരഭാഗങ്ങള്‍ പുറത്തിടുന്നവര്‍ക്ക് രണ്ടായിരം ദിര്‍ഹം പിഴ ഈടാക്കും. കൂടാതെ ഡ്രൈവിംഗ് ലൈസന്‍സില്‍ 23 ബ്ലാക്ക് പോയിന്റ് രേഖപ്പെടുത്തുകയും രണ്ടുമാസം വാഹനം പിടിച്ചിടുകയും ചെയ്യുമെന്ന് അബുദാബി പൊലീസ് വ്യക്തമാക്കി.
ഇത്തരം യാത്രകള്‍ അപകടങ്ങള്‍ക്കിടയാക്കുമെന്നതിനാലാണ് പൊലീസ് കര്‍ശന മുന്നറിയിപ്പ നല്‍കിയിട്ടുള്ളത്.