Connect with us

Culture

കാബൂളില്‍ ചാവേറാക്രമണത്തില്‍ 26 പേര്‍ കൊല്ലപ്പെട്ടു

Published

on

കാബൂള്‍: കാബൂളിലെ ഷിയാ ആരാധനാലയത്തിന് സമീപമുണ്ടായ ചാവേറാക്രമണത്തില്‍ 26 പേര്‍ കൊല്ലപ്പെട്ടു. 18 പേര്‍ക്ക് പരിക്കേറ്റു. പേര്‍ഷ്യന്‍ പുതുവര്‍ഷാഘോഷത്തിന് എത്തിച്ചേര്‍ന്നവരെ ലക്ഷ്യമിട്ടാണ് ആക്രമണമുണ്ടായത്. കാബൂള്‍ നഗരം ഇപ്പോഴും അരക്ഷിതമാണെന്നാണ് ആക്രമണം തെളിയിക്കുന്നത്. ജനുവരിയിലുണ്ടായ ഭീകരാക്രമണത്തില്‍ നൂറിലധികം സാധാരണക്കാര്‍ കൊല്ലപ്പെട്ടിരുന്നു.

ആക്രമണത്തിന്റെ ഉത്തരവാദിത്തം ഐ.എസ് ഏറ്റെടുത്തതായി ഇറാഖിലെ അമഖ് ന്യൂസ് ഏജന്‍സി റിപ്പോര്‍ട്ട് ചെയ്തു. ആരാധനാലയത്തിന് കനത്ത സുരക്ഷയൊരുക്കിയിരുന്നുവെന്ന് ആഭ്യന്തരവകുപ്പിന്റെ വക്താവ് നജീബ് ഡാനിഷ് മാധ്യമങ്ങളോട് പറഞ്ഞ്. സമീപത്തെ റോഡിലൂടെ നടന്നുപോകുന്നവരാണ് ആക്രമണത്തിനിരയായതെന്നും അദ്ദേഹം പറഞ്ഞു.

നൗറസ് എന്നറിയപ്പെടുന്ന പേര്‍ഷ്യന്‍ പുതുവര്‍ഷാഘോഷം അഫ്ഗാനിസ്ഥാനില്‍ വ്യാപകമായി ആഘോഷിക്കാറുണ്ട്. എന്നാല്‍ ഇതിനോട് വിയോജിപ്പുള്ള സംഘടനകളും അഫ്ഗാനിലുണ്ട്. ആഘോഷം ഇസ്ലാമിക വിരുദ്ധമാണെന്നാണ് ഇവരുടെ നിലപാട്.

Culture

കാന്താര 400 കോടി ക്ലബില്‍

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്.

Published

on

ഇന്ത്യന്‍ സിനിമയില്‍ ആകെ തരംഗമായ കന്നട ചിത്രം കാന്താര 400 കോടി ക്ലബ്ബില്‍. 400.09 കൂടിയാണ് കാന്താരിയുടെ കളക്ഷന്‍.ട്രേഡ് അനലിസ്റ്റ് ആയ തരന്‍ ആദര്‍ശാണ് ഇക്കാര്യം ഫീറ്റ് ചെയ്തത്.

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്. ചിത്രം വന്‍ വിജയമായതോടെ മറ്റു ഭാഷകളിലേക്കും ഡബ്ബ് ചെയ്തു. ഇന്ന് ഇന്ത്യയില്‍ അഞ്ചോളം ഭാഷകളില്‍ ചിത്രം ലഭ്യമാണ്.

ആര്‍ ആര്‍ ആര്‍, കെജിഎഫ് ചാപ്റ്റര്‍ ടു, പൊന്നിയന്‍ സെല്‍വന്‍1, ബ്രഹ്മാസ്ത്ര, വിക്രം എന്നീ ചിത്രങ്ങള്‍ക്ക് ശേഷം 400 കോടി ക്ലബ്ബില്‍ എത്തുന്ന ആറാമത്തെ ഇന്ത്യന്‍ ചിത്രമാണിത്.ഋഷഭ് ഷെട്ടി കഥയെഴുതി സംവിധാനം ചെയ്ത ചിത്രത്തില്‍ അദ്ദേഹം ത്‌ന്നെയാണ് അഭിനയിച്ചിരിക്കുന്നത്.

Continue Reading

Culture

ഗോവ അന്താരാഷ്ട്ര ചലച്ചിത്രോല്‍സവത്തിന് വര്‍ണാഭമായ തുടക്കം

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും.

Published

on

അമ്പത്തിമൂന്നാമത് ഗോവ അന്താരാഷ്ട്ര ചലച്ചിത്രോല്‍സവത്തിന് തിരശീല ഉയര്‍ന്നു.

പ്രമുഖ താരങ്ങള്‍ പങ്കെടുത്തു. സില്‍ ഷെട്ടി ,അജയ് ദേവഗണ്‍, പങ്കജ് ത്രിപാഠി തുടങ്ങിയവര്‍ പങ്കെടുത്തു. ഗോവ ചലച്ചിത്രമേളയെ ലോകസിനിമാനിര്‍മാണ വേദിയാക്കി ഉയര്‍ത്തുമെന്ന് വാര്‍ത്താവിതരണ പ്രക്ഷേപണമന്ത്രി അനുരാഗ് ഠാക്കൂര്‍ പറഞ്ഞു. ഡീറ്റര്‍ ബെര്‍ണര്‍ സംവിധാനം ചെയ്ത ഓസ്ട്രിയന്‍ ചിത്രം ‘ അല്‍മ ആന്റ് ഓസ്‌കര്‍ ‘ ആണ് ഉദ്ഘാടനചിത്രം.

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും. 28ന് മേള സമാപിക്കും. ഫ്രാന്‍സ് ആണ് കണ്‍ട്രി ഫോക്കസില്‍. ഇന്ത്യന്‍ പനോരമയില്‍ മഹേഷ് നാരായണന്റെ മലയാളത്തിലെ ‘അറിയിപ്പ്’ പ്രദര്‍ശിപ്പിക്കും.

Continue Reading

Art

സംസ്ഥാന സ്‌കൂള്‍ കലോത്സവം ജനുവരി 3 മുതല്‍ കോഴിക്കോട്ട് അരങ്ങ് കുറിക്കും

239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും

Published

on

അറുപത്തിയൊന്നാമത് കേരള സംസ്ഥാന സ്‌കൂള്‍ കലോത്സവത്തിന് തീരുമാനമായി. കോഴിക്കോട് ജില്ലയിലാണ് ഇപ്രാവശ്യത്തെ സ്‌കൂള്‍ കലോത്സവം. ജനുവരി 3 മുതല്‍ 7 വരെയാണ് കലോത്സവം സംഘടിപ്പിക്കുന്നത്. 239 ഇനം കലാപരിപാടികളിലായി 14000 ത്തോളം വിദ്യാര്‍ത്ഥികളാണ് പങ്കെടുക്കുന്നത്.

വെസ്റ്റ്ഹില്‍ വിക്രം മൈതാനിയാണ് കലോത്സവത്തിന്റെ പ്രധാന വേദി. ജില്ലയിലെ വിവിധ സ്‌കൂളുകളിലായി 24 ഓളം വേദികളാണ് ഒരുക്കുക. 239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും. കൂടാതെ ദിശ ഹയര്‍ എജുക്കേഷന്‍ എക്‌സ്‌പോയും എക്‌സിബിഷനുകളും സംസ്‌കാരിക കലാ പരിപാടികളും ദൃശ്യവിസ്മയവും സംസ്ഥാന കലോത്സവത്തിന്റെ ഭാഗമായി നടക്കും.

Continue Reading

Trending