കോഴിക്കോട് : ജില്ലയില്‍ നിപ സ്ഥിരീകരിച്ച സാഹചര്യത്തില്‍ ഓഗസ്റ്റ് 29ന് പുലര്‍ച്ചെ 2.15 മുതല്‍ 3.45 വരെ കോഴിക്കോട് ഇഖ്‌റ ആശുപത്രിയില്‍ സന്ദര്‍ശനം നടത്തിയിട്ടുള്ളവര്‍ ഗസ്റ്റ്ഹൗസില്‍ സജ്ജീകരിച്ചിരിക്കുന്ന കണ്‍ട്രോള്‍ റൂമുമായി ബന്ധപ്പെടണം. ഫോണ്‍: 0495 2383100, 0495 2383101, 0495 2384100, 0495 2384101, 0495 2386100
ഇഖ്‌റ ഹോസ്പിറ്റലിലെ 18 സ്റ്റാഫിന്റെ നിപ പരിശോധനാഫലം പോസിറ്റീവാണെന്ന് പറഞ്ഞുകൊണ്ട് പ്രചരിക്കുന്ന ശബ്ദസന്ദേശം അയച്ചയാള്‍ക്കെതിരേ ഇഖ്‌റ ഹോസ്പിറ്റല്‍ നടക്കാവ് പൊലീസില്‍ പരാതി നല്‍കി.
ജനറല്‍ ഹോസ്പിറ്റലില്‍നിന്നെത്തിച്ച രോഗികളുടെ ഡിസ്ചാര്‍ജ് കാര്‍ഡില്‍ രണ്ടുദിവസമായി പനിയും ഛര്‍ദിയുമുണ്ടെന്ന് രേഖപ്പെടുത്തിയിട്ടുണ്ടെന്നും ഇത് മെഡിക്കല്‍ കോളേജിലെ ഡോക്ടര്‍മാര്‍ തന്ന അനൗദ്യോഗികവിവരമാണെന്നും വോയ്‌സില്‍ പറയുന്നു. തൊട്ടില്‍പ്പാലം സ്വദേശിയുടെ നമ്പറില്‍നിന്നാണ് ശബ്ദസന്ദേശം വന്നത് എന്ന് പരിശോധനയില്‍ മനസ്സിലായി.