കോഴിക്കോട്: വഖഫ് ബോര്‍ഡ് ചെയര്‍മാന്‍ ടി.കെ ഹംസ രാജിവെച്ചു. ഒന്നര വര്‍ഷം കാലാവധി ബാക്കിനില്‍ക്കെയാണ് രാജി. മന്ത്രി വി. അബ്ദുറഹ്മാനുമായുള്ള അഭിപ്രായ ഭിന്നതയെ തുടര്‍ന്നാണ് നേരത്തെ രാജിവെച്ചതെന്നാണ് വിവരം. എന്നാല്‍ പ്രായാധിക്യം മൂലമാണ് രാജിയെന്നാണ് ടി.കെ ഹംസ രാവിലെ വാര്‍ത്താസമ്മേളനത്തില്‍ പറഞ്ഞത്.
മന്ത്രി അബ്ദുറഹ്മാനും ടി.കെ ഹംസയും തമ്മില്‍ ഏറെ നാളായി അഭിപ്രായ വ്യത്യാസം നിലനില്‍ക്കുന്നുണ്ട്. മന്ത്രിതല യോഗങ്ങളില്‍ ടി.കെ ഹംസ പങ്കെടുക്കാത്തത് വിമര്‍ശനത്തിന് കാരണമായിരുന്നു. ഇതിന് പിന്നാലെയാണ് പാര്‍ട്ടി നിര്‍ദേശപ്രകാരം ഹംസ ചെയര്‍മാന്‍ സ്ഥാനം രാജിവെച്ചത്.