ട്വന്റി 20 ലോകകപ്പില്‍ പാകിസ്ഥാന്‍ പാട്ടുംപാടി ഫൈനലില്‍. ന്യൂസിലാന്‍ഡിനെ ഏഴ് വിക്കറ്റിന് മുട്ടുകുത്തിച്ചാണ് ഫൈനലില്‍ കടന്നത്. ടോസില്‍ ആദ്യ ബാറ്റിങ് ന്യൂസിലാന്‍ഡിന് ലഭിച്ചെങ്കിലും പാകിസ്താന്‍ ബൗളര്‍മാര്‍ റണ്ണെടുക്കാന്‍ അനുവദിച്ചില്ല. ഡാറില്‍ മിച്ചലിന്റെ അര്‍ധ സെഞ്ച്വറിയാണ് നാലിന് 152 എന്ന സ്‌ക്വാറിലെത്തിച്ചത്. പിന്നെ തുണയായത് ക്യാപ്റ്റന്‍ കെയ്ന്‍ വില്യംസണിന്റെ റണ്‍സാണ് (46). ഡെവോണ്‍ കോണ്‍വെ (21), ഫിന്‍ അലന്‍ (4), ഗ്ലെന്‍ ഫിലിപ്‌സ് (6), ജെയിംസ് നിഷം (16) മറ്റാര്‍ക്കും കാര്യമായി സ്‌കോറെടുക്കാന്‍ കഴിഞ്ഞില്ല.
പാകിസ്താന്‍ ടീമില്‍ നിന്നും ഓപണര്‍മാരായി ഇറങ്ങിയത് മുഹമ്മദ് റിസ്വാനും ക്യാപ്റ്റന്‍ ബാബര്‍ അസമുമാണ്. ഇരുവരും അര്‍ധ സെഞ്ച്വറിയുമായി കളം നിറച്ചു. അഞ്ച് പന്ത് ബാക്കി നില്‍ക്കെയാണ് പാകിസ്താന്‍ വിജയം ഉറപ്പിച്ചത്. നാളെ നടക്കുന്ന ഇന്ത്യ-ഇംഗ്ലണ്ട് രണ്ടാം സെമിയിലെ വിജയികളാകും പാകിസ്താന്റെ എതിരാളികള്‍.