കണ്ണൂര്‍: യുവതിയുടെ ചിത്രം അശ്ലീല രീതിയില്‍ പ്രചരിപ്പിച്ച രണ്ട് യുവാക്കള്‍ അറസ്റ്റില്‍. കണ്ണൂര്‍ പിലാത്തറക്കടുത്ത് വിളയാങ്കോട് കുളപ്പുറം സ്വദേശികളായ മനവില്‍ വീട്ടില്‍ വിപിന്‍രാജ്(22), പുതിയാട്ടില്‍ കൃഷ്ണകിരണ്‍(23) എന്നിവരെയാണ് പരിയാരം എസ്.ഐ വി.ആര്‍. വിനീഷ് അറസ്റ്റ് ചെയ്തത്.
ചിത്രം ഫെയ്‌സ്ബുക്കില്‍ നിന്ന് എടുത്ത് മോര്‍ഫ് ചെയ്ത് അശ്ലീല രീതിയില്‍ പ്രചരിപ്പിച്ചുവെന്നാണ് കുളപ്പുറം സ്വദേശിനിയായ യുവതിയുടെ പരാതി. ഇതേതുടര്‍ന്നാണ് യുവാക്കളെ അറസ്റ്റ് ചെയ്തത്. യുവാക്കളുടെ മൊബൈല്‍ ഫോണില്‍ തന്റെ ചിത്രം ഉണ്ടെന്ന് മനസ്സിലാക്കിയ യുവതി ബന്ധുക്കളുടെ സഹായത്തോടെയാണ് പൊലീസില്‍ പരാതി നല്‍കിയത്. വ്യക്തി വിരോധമാണ് ചിത്രം അശ്ലീലമായി പ്രചരിപ്പിച്ചതിന് പിന്നിലെന്ന് കരുതുന്നു.