തിരുവനന്തപുരം: കേരളാ സംസ്ഥാന വഖഫ് ബോര്‍ഡ് പലിശ രഹിത വായ്പ സ്‌കോളര്‍ഷിപ്പിന് അപേക്ഷ ക്ഷണിച്ചു. മെഡിസിന്‍. എന്‍ജിനിയറിങ് ഉള്‍പ്പടെ പ്രഫഷണല്‍ കോഴ്‌സുകള്‍ പഠിക്കുന്ന അര്‍ഹരായ മുസ്ലിം വിദ്യാര്‍ഥികള്‍ക്ക് അപേക്ഷിക്കാം. 100 പേര്‍ക്കാണ് ഈ വര്‍ഷം സ്‌കോളര്‍ഷിപ് അനുവദിക്കുന്നത്.
2022-23 അധ്യായന വര്‍ഷത്തേക്കുള്ള അലോട്ട്‌മെന്റ് പ്രകാരം ഒന്നാം വര്‍ഷ കോഴ്‌സിന് ചേര്‍ന്നവര്‍ക്കാണ് അപേക്ഷ സമര്‍പ്പിക്കാന്‍ അര്‍ഹത. മുന്‍ പരീക്ഷയില്‍ 60 ശതമാനം മാര്‍ക്കോ തത്തുല്യ ഗ്രേഡോ ഉണ്ടായിരിക്കണം. അപേക്ഷകരുടെ കുടുംബ വാര്‍ഷിക വരുമാനം 2,50,000 രൂപയില്‍ താഴെയായിരിക്കണം.
അപേക്ഷ ഫോറം http://www.keralastatewakfboard.in/ വെബ്‌സൈറ്റില്‍ ലഭ്യമാണ് പൂരിപ്പിച്ച ഫോറം ഡിസംബര്‍ 25 ന് മുമ്പ് അഡ്മിനിസ്‌ട്രേറ്റീവ് കം അക്കൗണ്ട്‌സ് ഓഫീസര്‍, കേരള വഖഫ് ബോര്‍ഡ്, സ്‌റ്റേഡിയത്തിന് സമീപം വി.ഐ.പി റോഡ്, കലൂര്‍ 682017 എന്ന വിലാസത്തില്‍ ലഭ്യമാക്കണം.