ചെറുതുരുത്തി: റേഷന്‍ കടകളില്‍ വിതരണം ചെയ്യുന്ന ഗോതമ്പ് പൊടിയില്‍ പുളുക്കളെന്ന് ആക്ഷേപം. പാഞ്ഞാള്‍ പഞ്ചായത്തിലെ കിള്ളിമംഗലത്തെ റേഷന്‍ കടയില്‍ നിന്ന് ശനിയാഴ്ച വൈകീട്ട് വാങ്ങിയ ഗോതമ്പ് പൊടിയിലാണ് പുഴുക്കളെ കണ്ടത്. വള്ളത്തോള്‍ നഗര്‍ ഗ്രാമപഞ്ചായത്തിലെ ചെറുതുരുത്തി പുതുശ്ശേരി മണ്ഡലം കുന്നത്ത് വീട്ടില്‍ സുധയുടെ വീട്ടില്‍ രണ്ട് ദിവസം മുമ്പ് വാങ്ങിയ റേഷന്‍ ഗോതമ്പ് പൊടിയിലും സമാനമായ പുഴുവിനെ കണ്ടിരുന്നു.
കടയില്‍ വിവരം ചെന്ന് പറഞ്ഞപ്പോള്‍ റേഷന്‍ അധികൃതരെ അറിയിക്കൂ എന്നാണ് കിട്ടിയ മറുപടി. മുന്‍ഗണന വിഭാഗത്തിന് വിതരണം ചെയ്ത കേരള സര്‍ക്കാര്‍ സപ്ലൈകോ ഫോര്‍ട്ടിഫൈഡ് ആട്ട എന്ന പേരിലെ പാക്കറ്റ് പൊട്ടിച്ച് അരിച്ചപ്പോഴാണ് നിരവധി പുഴുക്കളെ കണ്ടത്.