ഹിന്ദുക്കള്‍ക്കെതിരെ സംസാരിക്കുന്നവരെ വെടിവെച്ചുകൊല്ലുമെന്ന വിവാദ പ്രസ്ഥാവനയുമായി കര്‍ണാടകയിലെ ബി.ജെ.പി എം.എല്‍.എ ബസവനഗൗഡ പാട്ടീല്‍ യത്‌നാല്‍. കര്‍ണാടകയിലെ ബി.ജെ.പി അധികാരത്തിലെത്തിയാല്‍ ഉത്തര്‍പ്രദേശിലെ യോഗി ആദിത്യനാഥ് സര്‍ക്കാരിന്റെ മാതൃകയില്‍ ഭരണം നടത്തുമെന്നും ബസവഗൗഡ പറഞ്ഞു.
വിജയപുരയിലെ തെരഞ്ഞെടുപ്പ് പ്രചരണ റാലിയിലാണ് വിവാദ പ്രസ്ഥാവന നടത്തിയത്. കുറ്റവാളികളോടുള്ള ഉത്തര്‍പ്രദേശ് സര്‍ക്കാരിന്റെ സമീപനത്തെക്കുറിച്ചും സൂചിപ്പിച്ചായിരുന്നു. ബസവനഗൗഡയുടെ പ്രസംഗം. പ്രസംഗത്തിന്റെ വീഡിയോ സോഷ്യല്‍മീഡിയയില്‍ വൈറലാവുകയായിരുന്നു. കൈകൊണ്ട് തോക്കുപോലെ ആംഗ്യം കാണിച്ചായിരുന്നു ബസവനഗൗഡയുടെ പരാമര്‍ശം. ടൈംസ് ഓഫ് ഇന്ത്യ ഉള്‍പ്പെടെയുള്ള മാധ്യമങ്ങള്‍ ഇത് സംബന്ധിച്ച വാര്‍ത്ത നല്‍കിയിരുന്നു.