തിരുവനന്തപുരം: കത്ത് വിവാദത്തില്‍ മേയര്‍ ആര്യാ രാജേന്ദ്രനെതിരെ കരിങ്കൊടി വീശി യൂത്ത് ലീഗ് പ്രതിഷേധം. മുഖ്യമന്ത്രിക്ക് പരാതി നല്‍കി സെക്രട്ടറിയേറ്റില്‍ നിന്നും മടങ്ങുന്ന വഴിയിലാണ് യൂത്ത് ലീഗ് കരിങ്കൊടി വീശിയത്. സെക്രട്ടറിയേറ്റില്‍ നിന്ന് നൂറ് മീറ്റര്‍ അകലെ പുന്നന്‍ റോഡിലായിരുന്നു പ്രതിഷേധം.
ജില്ലാ പ്രസിഡന്റ് ഹാരിസ്, ജനറല്‍ സെക്രട്ടറി ഫൈസ് പൂവച്ചല്‍, മുന്‍ ജില്ലാ പ്രസിഡന്റ് ഡി. നൗഷാദ്, എം.എസ്.എഫ് ജില്ലാ വൈസ് പ്രസിഡന്റ് അന്‍സാര്‍ കരമന എന്നിവരാണ് കരിങ്കൊടി പ്രതിഷേധത്തിന് പങ്കെടുത്തത്.