Video Stories
ഗംഭീരമായി ബ്ലാസ്‌റ്റേഴ്‌സ്
എവേ മല്‍സരത്തില്‍ ഗംഭീരമായ പ്രകടനം, വിജയത്തിന് തുല്യമായ സമനില, മൂന്നാം മിനുട്ടില്‍ തന്നെ ഗോളും- കേരളാ ബ്ലാസ്‌റ്റേഴ്‌സ് മാറിയിരിക്കുന്നു. കൊച്ചിയില്‍ മുംബൈക്കാരെ തോല്‍പ്പിച്ചതിലുടെ ആവാഹിച്ചിരിക്കുന്ന ആത്മവിശ്വാസത്തിന്റെ ശക്തമായ പ്രതിഫലനമായിരുന്നു ഫ്രെഡറിക് ഹെര്‍ബാര്‍ട്ടിന്റെ സുന്ദരമായ ഗോള്‍. മൈക്കല്‍ ചോപ്രയെന്ന മുന്‍നിരക്കാരനെ പൂനെക്കാര്‍ ബഹുമാനിക്കാനുളള കാരണവും ആ ഗോള്‍ തന്നെ. റാഫിയും റഫിക്കും ഹ്യൂസുമെല്ലാം സുന്ദരമായ ഫുട്‌ബോളാണ് കാഴ്ച്ചവെച്ചത്-അതിനെ അഭിനന്ദിക്കണം. മുഹമ്മദ് സിസോക്കോ എന്ന പൂനെ നായകന്റെ അനുഭവസമ്പത്തും വേഗതയും തന്ത്രങ്ങളുമെല്ലാമാണ് ആ ടീമിന് സമനില സമ്മാനിച്ചതെങ്കില്‍ ബോള്‍ പൊസിഷനില്‍ മാത്രമല്ല മല്‍സരത്തിന്റെ വേഗതയിലും ആക്രമണങ്ങളുടെ എണ്ണത്തിലും തെറ്റാത്ത പാസുകളുടെ കാര്യത്തിലും കേരളം മുന്നിട്ട് നിന്നു. എവേ മല്‍സരത്തില്‍ ഹോം ടീം വിജയിക്കാന്‍ ശ്രമിക്കുമ്പോള്‍ സന്ദര്‍ശക ടീമുകള്‍ പ്രതിരേധ ജാഗ്രതയിലായിരിക്കും. പക്ഷേ ബ്ലാസ്‌റ്റേഴ്‌സ് തുടക്കം മുതല്‍ നടത്തിയ ആക്രമണത്തില്‍ പ്രകടമായത് അവരുടെ ആത്മവിശ്വാസമായിരുന്നു. ഇനിയുളള മല്‍സരങ്ങളില്‍ ആവര്‍ത്തിക്കേണ്ടതും ഈ ശൈലി തന്നെ. അഞ്ച് കളികളില്‍ നിന്ന് ഇപ്പോള്‍ അഞ്ച് പോയന്റ്. മൈക്കല്‍ ചോപ്രയെയും ക്യാപ്റ്റന്‍ ആരോണ്‍ ഹ്യൂസിനെയും ഗോള്‍ സ്‌ക്കോററായ ഹെര്‍ബാര്‍ത്തിനെയും പ്രതിയോഗികള്‍ നോട്ടമിട്ട് കഴിഞ്ഞു. ഇതാണ് ഒരു ടീമിന് വേണ്ടത്. എതിരാളികള്‍ ഭയപ്പെടുന്ന, ബഹുമാനിക്കുന്ന ഒന്നിലധികം താരങ്ങളുണ്ടാവുമ്പോള്‍ അത് ഗുണകരമാവും.
പൂനെയില്‍ കേരളത്തിന് പിഴവുകള്‍ കുറവായിരുന്നു. സിസോക്കോ നേടിയ ആ സമനില ഗോള്‍-ആ സമയം അദ്ദേഹം സ്വതന്ത്രനായിരുന്നു എന്നത് പ്രതിരോധത്തിലെ വീഴ്്ച്ചയായിരുന്നു. ഹ്യൂസിലെ നായകനും സന്ദേശ് ജിങ്കാനുമെല്ലാം ഒരു നിമിഷം അന്ധാളിച്ചപ്പോള്‍ ഗോള്‍ക്കീപ്പര്‍ക്ക് കിട്ടാത്ത ഷോട്ടായിരുന്നു സിസോക്കോ പായിച്ചത്. മധ്യനിരയില്‍ ഹോസു പ്രിറ്റോ, മെഹ്ത്താബ് ഹുസൈന്‍ എന്നിവരും മുന്‍നിരയില്‍ മുഹമ്മദ് റാഫിയും അദ്ധ്വാനിച്ച് കളിച്ചു. മുഹമ്മദ് റഫീക്കിലെ വേഗക്കാരന് പന്ത് നിയന്ത്രിക്കുന്നതിലും വിജയിക്കാനായാല്‍ ബ്ലാസ്റ്റേഴ്‌സിന് അത് വലിയ ഗുണം ചെയ്യും.
News
രാജ്യത്തിനായി ഞായറാഴ്ച്ച പ്രത്യേക പ്രാര്‍ത്ഥന; ആഹ്വാനവുമായി മലങ്കര ഓര്‍ത്തഡോക്‌സ് സഭ
അതിര്‍ത്തി സംരക്ഷിക്കുന്ന സൈനികര്‍ സുരക്ഷിതരായിരിക്കാന്‍ പ്രാര്‍ത്ഥിക്കണമെന്നും യുദ്ധത്തിലേക്ക് നീങ്ങാതെ സമാധാനം പുനഃസ്ഥാപിക്കപ്പെടാന്‍ വേണ്ടി പ്രാര്‍ത്ഥിക്കണമെന്നും പരിശുദ്ധ കാതോലിക്കാബാവാ ആവശ്യപ്പെട്ടു.
രാജ്യത്തിനായി ഞായറാഴ്ച്ച പ്രത്യേകം പ്രാര്‍ത്ഥന നടത്താന്‍ ആഹ്വാനവുമായി മലങ്കര ഓര്‍ത്തഡോക്‌സ് സഭ. ഭാരതത്തിനും, സൈനികര്‍ക്കും, അതിര്‍ത്തിയിലെ ജനസമൂഹത്തിനും വേണ്ടി പ്രത്യേക പ്രാര്‍ത്ഥന നടത്തണമെന്ന് പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ ആഹ്വാനം ചെയ്തു.
അതിര്‍ത്തി സംരക്ഷിക്കുന്ന സൈനികര്‍ സുരക്ഷിതരായിരിക്കാന്‍ പ്രാര്‍ത്ഥിക്കണമെന്നും യുദ്ധത്തിലേക്ക് നീങ്ങാതെ സമാധാനം പുനഃസ്ഥാപിക്കപ്പെടാന്‍ വേണ്ടി പ്രാര്‍ത്ഥിക്കണമെന്നും പരിശുദ്ധ കാതോലിക്കാബാവാ ആവശ്യപ്പെട്ടു. ഞായറാഴ്ച്ച വിശുദ്ധ കുര്‍ബാന മധ്യേ മലങ്കരസഭയിലെ മുഴുവന്‍ പള്ളികളിലും രാജ്യത്തിന് വേണ്ടി പ്രാര്‍ത്ഥന നടത്തുമെന്നും അദ്ദേഹം പറഞ്ഞു.
അതേസമയം ഇന്ത്യയുടെ തിരിച്ചടിയില്‍ പാകിസ്താന് വന്‍ നാശനഷ്ടമുണ്ടായതായും റിപ്പോര്‍ട്ടുണ്ട്.
kerala
താമരശ്ശേരി ഷഹബാസ് കൊലക്കേസ്: കുറ്റാരോപിതരായ വിദ്യാര്‍ത്ഥികളുടെ എസ്.എസ്.എല്‍.സി പരീക്ഷാ ഫലം പ്രസിദ്ധീകരിച്ചില്ല
വിദ്യാര്‍ത്ഥികള്‍ കേസില്‍ പ്രതികളായ സാഹചര്യത്തിലാണ് പരീക്ഷാ ഫലം തടഞ്ഞുവെച്ചിരിക്കുന്നത്.
താമരശ്ശേരി ഷഹബാസ് കൊലക്കേസില്‍ കുറ്റാരോപിതരായ ആറ് വിദ്യാര്‍ത്ഥികളുടെയും എസ്.എസ്.എല്‍.സി പരീക്ഷാ ഫലം പ്രസിദ്ധീകരിച്ചില്ല. വിദ്യാര്‍ത്ഥികള്‍ കേസില്‍ പ്രതികളായ സാഹചര്യത്തിലാണ് പരീക്ഷാ ഫലം തടഞ്ഞുവെച്ചിരിക്കുന്നത്. അതേസമയം ഇവരുടെ ഫലം പ്രസിദ്ധീകരിക്കാത്തത് എന്തുകൊണ്ടെന്ന് അറിയില്ലെന്ന് താമരശ്ശേരി ജി വി എച്ച് എസ് എസ് അധികൃതര്‍ വ്യക്തമാക്കി.
കേസില്‍ കുറ്റാരോപിതരായ് വിദ്യാര്‍ത്ഥികള്‍ നിലവില്‍ വെള്ളിമാടുകുന്ന് ഒബ്‌സര്‍വേഷന്‍ ഹോമിലാണ്. വിദ്യാര്‍ത്ഥികളെ എസ്.എസ്.എല്‍.സി പരീക്ഷ എഴുതാന്‍ അനുവദിച്ചത് വലിയ വിവാദത്തിലേക്ക് നയിച്ചിരുന്നു. പരീക്ഷാ സെന്ററുകളിലേക്കടക്കം വിദ്യാര്‍ഥി -യുവജന സംഘടനകള്‍ കടുത്ത പ്രതിഷേധം നടത്തിയിരുന്നു.
എളേറ്റില്‍ വട്ടോളി എം.ജെ. ഹയര്‍സെക്കന്‍ഡറി സ്‌കൂള്‍ പത്താം ക്ലാസ് വിദ്യാര്‍ഥിയായിരുന്നു മരിച്ച മുഹമ്മദ് ഷഹബാസ്.
പഞ്ചാബിലെ എസ്ബിഎസ് നഗറില്‍ നിന്ന് 2 ആര്‍പിജികളും 5 ഹാന്‍ഡ് ഗ്രനേഡുകളും കണ്ടെടുത്തു. എസ്ബിഎസ് നഗറിലെ ടിബ്ബ നംഗല്‍ കുലാര്‍ റോഡിന് സമീപമുള്ള വനമേഖലയില്‍ നിന്ന് രണ്ട് റോക്കറ്റ് പ്രൊപ്പല്‍ഡ് ഗ്രനേഡുകളും അഞ്ച് ഹാന്‍ഡ് ഗ്രനേഡുകളും ഉള്‍പ്പെടെ വെടിമരുന്ന് ശേഖരം കണ്ടെടുത്തതായി സംസ്ഥാന പോലീസ് മേധാവി ചൊവ്വാഴ്ച പറഞ്ഞു.
പഞ്ചാബിലെ സ്ലീപ്പര്‍ സെല്ലുകളെ പുനരുജ്ജീവിപ്പിക്കാന്‍ പാകിസ്ഥാനിലെ ഭീകരസംഘടനകള്‍ നടത്തിയ കോര്‍ഡിനേറ്റഡ് ഓപ്പറേഷനാണ് പ്രാഥമിക അന്വേഷണം സൂചിപ്പിക്കുന്നത്,” ഡയറക്ടര്‍ ജനറല്‍ ഓഫ് പോലീസ് ഗൗരവ് യാദവ് എക്സില്‍ ഒരു പോസ്റ്റില്‍ പറഞ്ഞു.
ഒരു കേന്ദ്ര ഏജന്‍സിയുമായി ചേര്‍ന്ന് നടത്തിയ സംയുക്ത ഓപ്പറേഷനില്‍, എസ്ബിഎസ് നഗറിലെ ടിബ്ബ നംഗല്‍ കുലാര്‍ റോഡിന് സമീപമുള്ള വനമേഖലയില്‍ നിന്ന് രഹസ്യാന്വേഷണ വിഭാഗത്തിന്റെ നേതൃത്വത്തില്‍ നടത്തിയ ഓപ്പറേഷനില്‍ പഞ്ചാബ് പോലീസ് തീവ്രവാദ ഹാര്‍ഡ്വെയര്‍ ശേഖരം കണ്ടെടുത്തു.
രണ്ട് ആര്‍പിജികള്‍, രണ്ട് ഇംപ്രൊവൈസ്ഡ് എക്സ്പ്ലോസീവ് ഡിവൈസുകള്‍ (ഐഇഡി), അഞ്ച് ഹാന്‍ഡ് ഗ്രനേഡുകള്‍, ഒരു വയര്‍ലെസ് കമ്മ്യൂണിക്കേഷന്‍ സെറ്റ് എന്നിവ കണ്ടെടുത്തതായി അദ്ദേഹം പറഞ്ഞു.
അമൃത്സറിലെ സ്റ്റേറ്റ് സ്പെഷ്യല്‍ ഓപ്പറേഷന്‍ സെല്ലിന്റെ പോലീസ് സ്റ്റേഷനില്‍ ബന്ധപ്പെട്ട വകുപ്പുകള്‍ പ്രകാരം കേസ് രജിസ്റ്റര്‍ ചെയ്തിട്ടുണ്ട്.
-
news3 days agoഹോങ്കോങ്ങിലും സിംഗപ്പൂരിലും കോവിഡ് കേസുകള്‍ വര്‍ധിക്കുന്നതായി റിപ്പോര്‍ട്ട്
-
kerala3 days agoസംസ്ഥാനത്ത് അതിശക്തമായ മഴ; വിവിധ ജില്ലകളില്‍ ഓറഞ്ച് അലര്‍ട്ട്
-
kerala3 days agoമുതലപ്പൊഴിയില്‍ സംഘര്‍ഷാവസ്ഥ തുടരുന്നു; എഞ്ചിനീയറിംഗ് ഓഫീസിന്റെ ജനാല അടിച്ചു തകര്‍ത്തു
-
india3 days ago48 മണിക്കൂറിനിടെ രണ്ട് ഓപ്പറേഷനുകള്‍; ജമ്മു കശ്മീരില്‍ 6 ഭീകരരെ വധിച്ചെന്ന് സുരക്ഷാസേന
-
kerala3 days agoമേപ്പാടിയില്‍ ബോബി ചെമ്മണ്ണൂരിന്റെ ബോച്ചെ തൗസന്റ് ഏക്കറില്‍ തീപ്പിടിത്തം’ സ്ഥാപനങ്ങള്‍ കത്തി നശിച്ചു
-
india3 days agoരാജ്യവും സൈന്യവും പ്രധാനമന്ത്രിയുടെ കാല്‍ക്കല്‍ വീണ് വണങ്ങുന്നു; വിവാദ പരാമര്‍ശം നടത്തി ബിജെപി നേതാവ്
-
kerala3 days agoഇഡിയുടെ കേസൊതുക്കാന്‍ വ്യാപാരിയില്‍ നിന്ന് കോഴ ആവശ്യപ്പെട്ടവര്‍ അറസ്റ്റില്‍
-
kerala3 days ago‘ഒരു കാര്യം ഓര്‍ത്തോളു മലപ്പട്ടത്ത് ഗാന്ധി സ്തൂപം ഉയര്‍ന്നിരിക്കും’: സിപിഎമ്മിന് മറുപടിയുമായി രാഹുല്‍ മാങ്കൂട്ടത്തില്‍