Views
രാജ്യാന്തര ചലച്ചിത്രമേളക്ക് കൊടിയിറങ്ങി; ക്ലാഷിന് സുവര്ണ ചകോരം

തിരുവനന്തപുരം: കേരള രാജ്യാന്തര ചലച്ചിത്രമേളയില് മികച്ച ചിത്രത്തിനുള്ള സുവര്ണ ചകോരം മുഹമ്മദ് ദയാബ് സംവിധാനം ചെയ്ത ഈജിപ്ഷ്യന് ചിത്രമായ ക്ലാഷിന്. വോട്ടിംഗിലൂടെ മത്സരവിഭാഗത്തിലെ ജനപ്രിയ ചിത്രമായി തെരഞ്ഞെടുക്കപ്പെട്ടതും മുല്ലപ്പൂ വിപ്ലവത്തിന് ശേഷമുള്ള സാമൂഹ്യാവസ്ഥ ചര്ച്ച ചെയ്യുന്ന ക്ലാഷ് തന്നെയാണ് .
ടര്ക്കിഷ് സംവിധായകന് യെസിം ഒസ്താഗ്ലുവിന്റെ ക്ലെയര് ഒബ്സ്ക്യൂര് മികച്ച ചിത്രത്തിനുള്ള രജതചകോരം നേടി. മികച്ച ഏഷ്യന് ചിത്രത്തിനുള്ള നെറ്റ്പാക് പുരസ്കാരം മുസ്തഫ കാര സംവിധാനം ചെയ്ത ടര്ക്കിഷ് ചിത്രം കോള്ഡ് ഓഫ് കലണ്ടറിനാണ്.
ക്ലാഷും, ക്ലെയര് ഒബ്സ്ക്യൂറും കൈവരിച്ച നേട്ടത്തിനിടയില് മലയാളസിനിമയും അഭിമാന നേട്ടം കരസ്ഥമാക്കി. ഇരട്ടനേട്ടങ്ങളോടെ വിധുവിന്സന്റിന്റെ മാന്ഹോള് മലയാളത്തിന്റെ അഭിമാനമായി. മികച്ച മലയാളചിത്രത്തിനുള്ള ഫിപ്രസ്കി പുരസ്കാരത്തിന് മാന്ഹോള് അര്ഹമായി. സംവിധാനത്തിലെ നവാഗതപ്രതിഭയ്ക്കുള്ള രജതചകോരവും മാന്ഹോളിന്റെ സംവിധായിക വിധു വിന്സെന്റിനാണ്. സംസ്ഥാനത്തെ പതിനായിരക്കണക്കിനായ മാന്ഹോള് തൊഴിലാളികള്ക്ക് പുരസ്കാരം സമര്പ്പിക്കുന്നതായി സംവിധായിക പറഞ്ഞു. മികച്ച മലയാളചിത്രത്തിനുള്ള നെറ്റ്പാക് പുരസ്കാരം രാജീവ് രവിയുടെ കമ്മട്ടിപ്പാടവും സ്വന്തമാക്കി.
ജാക്ക് സാഗ കബാബിയുടെ വെയര്ഹൗസ്ഡിനാണ് മികച്ച ലോകസിനിമയ്ക്കുള്ള ഫിപ്രസ്കി പുരസ്കാരം. ഫിലിപ്പൈന് ചിത്രം ഡൈ ബ്യൂട്ടിഫുളിലെയും ടര്ക്കിഷ് ചിത്രം ക്ലെയര് ഒബ്സ്ക്യൂറിലെയും അഭിനേതാക്കള് ജൂറിയുടെ പ്രത്യേക പരാമര്ശത്തിന് അര്ഹരായി.
മികച്ച പ്രദര്ശന സൗകര്യമൊരുക്കിയതിന്റെ എസ്തറ്റിക് അവാര്ഡ് കൈരളി തിയറ്റര് നേടി. മികച്ച സാങ്കേതിക സൗകര്യത്തിന് തിയറ്ററുകള്ക്ക് ഏര്പ്പെടുത്തിയ ടെക്നിക്കല് അവാര്ഡ് ശ്രീപത്മനാഭ തിയറ്ററിനു ലഭിച്ചു. നിശാഗന്ധിയില് നടന്ന ചടങ്ങില് വിജയികള്ക്കുള്ള പുരസ്കാരങ്ങള് മുഖ്യമന്ത്രി പിണറായി വിജയന് സമ്മാനിച്ചു. മന്ത്രി എ കെ ബാലന് അധ്യക്ഷനായ ചടങ്ങില് ജൂറി ചെയര്മാന് മിഖായേല്, മന്ത്രി കടകംപള്ളി സുരേന്ദ്രന്, ചലച്ചിത്ര അക്കാദമി ചെയര്മാന് കമല്, സാംസ്കാരിക സെക്രട്ടറി റാണി ജോര്ജ്, മേളയുടെ കലാസംവിധായിക ബീനാപോള്, മഹേഷ് പഞ്ചു എന്നിവര് സംസാരിച്ചു. മികച്ച റിപ്പോര്ട്ടിങിനുള്ള മാധ്യമ പുരസ്കാരങ്ങളും ചടങ്ങില് വിതരണം ചെയ്തു.
ദേശീയഗാനം ഉള്പ്പെടെ വിവാദവിഷയങ്ങളില് പ്രതിഷേധത്തിനു വേദിയായെങ്കിലും മികച്ച സിനിമകളുടെ സാന്നിധ്യംകൊണ്ട് ശ്രദ്ധേയമായിരുന്നു ഈ വര്ഷത്തെ മേള. മലയാളം സിനിമ, ഇന്ത്യന് സിനിമ, ലോകസിനിമ എന്നിങ്ങനെ വിഭാഗങ്ങള്ക്ക് പുറമേ ഇക്കുറി കുടിയേറ്റ, മൂന്നാം ലിംഗ, കലാകാരന്മാരുടെ ജീവിതം തുടങ്ങിയ പാക്കേജുകള് മേളയുടെ വ്യത്യസ്ത മുഖമായി.
Features
അക്ഷരങ്ങളുടെ കുലപതിക്ക് വിട
മലയാളക്കരയുടെ തലമുതിര്ന്ന എഴുത്തുകാരന് എന്ന നിലക്ക് അദ്ദേഹത്തിന്റെ മാര്ഗ്ഗ നിര്ദ്ദേശങ്ങള് സമുദായത്തിന്റെ അക്ഷരവെളിച്ച പ്രയാണങ്ങള്ക്ക് എന്നും കരുത്തായിരുന്നു

സഫാരി സൈനുല് ആബിദീന്
മലയാളിയുടെ ഹൃദയാന്തരീക്ഷത്തില് അര്ത്ഥദീര്ഘമായ എം.ടിയെന്ന ദ്വയാക്ഷരത്തെ ബാക്കിയാക്കി ഒരു കാലം വിടപറയുന്നു. എല്ലാ അര്ഥത്തിലും വിസ്മയമായിരുന്നു ആ മഹാ കുലപതി. പച്ചമനുഷ്യന്റെ മനോവ്യഥകളും സംഘര്ഷങ്ങളും എല്ലാ ഭാവതീവ്രതകളോടെയും തലമുറകള്ക്കു പകര്ന്നു നല്കുന്നതായിരുന്നു അദ്ദേഹത്തിന്റെ വരികള്.
ചന്ദ്രിക പത്രത്തിന്റെ കോഴിക്കോട്ടെ ഓഫീസില് വെച്ചാണ് ആദ്യമായിട്ട് ഞാന് എം.ടി വാസുദേവന് നായരെ കാണുന്നത്. മുസ്ലിം ലീഗിന്റെ മുന്കാല നേതാവും യൂത്ത്ലീഗ് സ്ഥാപക നേതാവുമായിരുന്ന കെ.കെ മുഹമ്മദ് സാഹിബിന്റെ കൂടെയായിരുന്ന അന്നത്തെ കാഴ്ച. മലയാളക്കരയുടെ തലമുതിര്ന്ന എഴുത്തുകാരന് എന്ന നിലക്ക് അദ്ദേഹത്തിന്റെ മാര്ഗ്ഗ നിര്ദ്ദേശങ്ങള് സമുദായത്തിന്റെ അക്ഷരവെളിച്ച പ്രയാണങ്ങള്ക്ക് എന്നും കരുത്തായിരുന്നു. പഠന കാലത്തേ ആ മഹാപ്രതിഭയുടെ എഴുത്തിന്റെ ലോകത്തിലൂടെ സഞ്ചരിക്കാന് വലിയ താല്പര്യമായിരുന്നു. ഒമ്പതാം ക്ലാിസില് സ്കൂളില് പഠിക്കുമ്പോള് എം.ടി പങ്കെടുക്കുന്ന കാണാനായി മാത്രം തലശ്ശേരി വരെ പോയ ഓര്മ്മകള് ഇന്നും മനസ്സിലുണ്ട്. അക്കാലത്ത് അങ്ങനെയൊക്കെ സാഹസിക യാത്രകള് പോകാന് പ്രേരിപ്പിച്ചത് എം.ടിയെന്ന മഹാപ്രതിഭയോടുള്ള വലിയ ആകര്ഷണം ഒന്നു മാത്രമായിരുന്നു. മണിക്കൂറുകളോളം അദ്ദേഹത്തെ കേട്ടിരിക്കാനും ആര്ക്കും മടുപ്പുണ്ടായിരുന്നില്ല. അദ്ദേഹം ഗള്ഫില് വരുന്ന സമയങ്ങളിലും കാണാനും അദ്ദേഹത്തെ കേള്ക്കാനും ഏത് തിരക്കിനിടയിലും സമയം കണ്ടത്തിയിരുന്നു
പത്മഭൂഷണ്, ജ്ഞാനപീഠം, എഴുത്തച്ഛന് പുരസ്കാരം, ജെ സി ഡാനിയേല് പുരസ്കാരം, പ്രഥമ കേരള ജ്യോതി പുരസ്കാരം, കേരള നിയമസഭ പുരസ്കാരം തുടങ്ങി പുരസ്കാരങ്ങളുടെ നിറവ്’എം ടി’ എന്ന രണ്ടക്ഷരത്തെ മലയാള സാഹിത്യ നഭസ്സില് അനശ്വരനാക്കി നിര്ത്തി. സാധാരണക്കാരുടെ ജീവിതയാത്രകളെയും വേദനകളെയും തന്മയത്വം ചോരാതെ മലയാളി ആസ്വദിച്ചു വായിച്ചു. പ്രവാസ ലോകത്തെ ജീവിതത്തിരക്കുകളിലേക്ക് പോവേണ്ടി വന്നപ്പോഴും മനസ്സിന്റെ ഒരു കോണില് എം.ടിയുടെ ലോകങ്ങള് എന്നും നിറഞ്ഞു നിന്നു.
പ്രവാസികളുമായി അദ്ദേഹം വലിയ ബന്ധം പുലര്ത്തിയിരുന്നു. വിവിധ കാലങ്ങളില് അദ്ദേഹവും മരുഭൂമിയിലെ മരുപ്പച്ചയില് ജീവിതപ്പച്ച തേടെയെത്തിയ മലയാള സമൂഹത്തെ സന്ദര്ശിക്കാനെത്തിക്കൊണ്ടിരുന്നു.
ഇനി ഇതുപോലൊരു പ്രതിഭ മലയാളത്തില് ഇനി ഉണ്ടാകില്ല. വായിക്കുന്നവരെയെല്ലാം ചിന്തിപ്പിച്ച അതി ശക്തനായ എഴുത്തുകാരന്. അദ്ദേഹം തൊട്ടതെല്ലാം പൊന്നാക്കി. തീരാനഷ്ടം എന്നത് വെറും വാക്കല്ല. ആള്ക്കൂട്ടത്തില് തനിയെ എന്നത് അദ്ദേഹത്തിന്റെ ജീവിത ദര്ശനമാണെന്ന് അദ്ദേഹം തെളിയിച്ചു. എല്ലാ മേഖലയിലും അദ്ദേഹം മാതൃകയായിരുന്നു. മനുഷ്യന്റെ കാപട്യത്തെ കുറിച്ച് നന്നായി പഠിച്ച കാച്ചി കുറുക്കി മറ്റൊരു രീതിയില് അവതരിപ്പി ഒരു സാഹിത്യകാരന് ഇനിയുണ്ടാകുമോ എന്നറിയില്ല.
local
വയനാട് ദുരന്തത്തിന്റെ നേർചിത്രം: മീലാദ് ഫെസ്റ്റിൽ വിദ്യാർത്ഥിയുടെ മനോഹരമായ ശിൽപം
മീലാദ് ഫെസ്റ്റിന്റെ ഭാഗമായി മദ്രസ വിദ്യാർത്ഥികൾ ഒരുക്കിയ ഹാന്റിക്രാഫ്റ്റ് പവലിയനിൽ വയനാട് ദുരന്തത്തെ ആസ്പദമാക്കി നിർമ്മിച്ച നിർമിതിയാണ് ശ്രദ്ധയമായത്.

കണ്ണൂർ : വയനാട് ദുരന്തത്തിന്റെ വ്യാപ്തിയും പ്രകൃതിയുടെ ഭയാന കശക്തിയും ഹാൻഡിക്രാഫ്റ്റിലൂടെ നിർമ്മിച്ച് ശ്രദ്ധേയമായി കണ്ണൂർ മൗവഞ്ചേരി ഹിദായത്തുൽ ഇസ്ലാം ഹയർ സെക്കൻഡറി മദ്രസയിലെ ഇസ്മായിൽ എന്ന വിദ്യാർത്ഥി.
മീലാദ് ഫെസ്റ്റിന്റെ ഭാഗമായി മദ്രസ വിദ്യാർത്ഥികൾ ഒരുക്കിയ ഹാന്റിക്രാഫ്റ്റ് പവലിയനിൽ വയനാട് ദുരന്തത്തെ ആസ്പദമാക്കി നിർമ്മിച്ച നിർമിതിയാണ് ശ്രദ്ധയമായത്. മുണ്ടക്കൈ ദുരന്തത്തിന്റെ വ്യാപ്തിയും ഭയാനകതയും പ്രകടമാക്കുന്ന ഉരുൾപൊട്ടലിൽ കടപുഴകി ഒലിച്ചു വന്ന കല്ലുകളെയും മരങ്ങളെയും തകർന്ന സ്കൂളും പരിസരങ്ങളുടെയും കാഴ്ച ഭീതിജനകമായ രൂപത്തിലാണ് ഇത് തയ്യാറാക്കിയിരിക്കുന്നത്.
മൗവ്വഞ്ചേരി ഹിദായത്തുൽ ഇസ്ലാം ഹയർസെക്കൻഡറി മദ്രസയിൽ മീലാദ് ഫെസ്റ്റിനോടനുബന്ധിച്ച് വിദ്യാർത്ഥികൾ സംഘടിപ്പിച്ച ഹാന്റി ക്രാഫ്റ്റ് എക്സ്പോയിൽ വിവിധ നിർമ്മിതികൾ പ്രദർശിപ്പിച്ചു. എക്സ്പോ ശറഫുൽ ഇസ്ലാം സഭ മൗവഞ്ചേരി മഹല്ല് കമ്മിറ്റി പ്രസിഡൻറ് സി എച്ച് ആർ ഹാരിസ് ഹാജി ഉദ്ഘാടനം ചെയ്തു. എക്സ്പോ വീക്ഷിക്കാൻ നൂറുകണക്കിന് പേരാണ് എക്സ്പോ പവലിയനിൽ എത്തിയത്.
Health
എം പോക്സ് 116 രാജ്യങ്ങളിലേക്ക് പടർന്നു; കേരളത്തിലും ജാഗ്രതാ നിർദ്ദേശം
രാജ്യാന്തര യാത്രക്കാർക്കും ഇവരുമായി സമ്പർക്കത്തിലുള്ളവരും പ്രത്യേക ശ്രദ്ധ വേണമെന്ന് ആരോഗ്യവകുപ്പ് ഉദ്യോഗസ്ഥർ നിര്ദ്ദേശിച്ചു.

എം പോക്സ് (മങ്കിപോക്സ്) പകർച്ചവ്യാധി 116 രാജ്യങ്ങളിലേക്ക് വ്യാപിച്ച സാഹചര്യത്തില് കേരളത്തിലും ജാഗ്രതാ നിർദ്ദേശം. രാജ്യാന്തര യാത്രക്കാർക്കും ഇവരുമായി സമ്പർക്കത്തിലുള്ളവരും പ്രത്യേക ശ്രദ്ധ വേണമെന്ന് ആരോഗ്യവകുപ്പ് ഉദ്യോഗസ്ഥർ നിര്ദ്ദേശിച്ചു.
ഇന്ത്യയില് ആദ്യമായി മങ്കിപോക്സ് സ്ഥിരീകരിച്ചത് 2022 ജൂലൈ 14 ന് കേരളത്തിലാണ്. യുഎഇയില് നിന്നും തിരുവനന്തപുരത്ത് എത്തിയ 35 വയസുകാരനിലാണ് ആദ്യമായി രോഗലക്ഷണങ്ങള് കണ്ടെത്തിയത്. മുമ്പ് കെനിയയില് കണ്ടെത്തിയ ക്ലേഡ് 2 ബി വകഭേദം ഭീതിയുണര്ത്തിയിരുന്നെങ്കിലും ഇപ്പോഴുള്ള ക്ലേഡ് 1 ആണ് ഏറ്റവും കൂടുതല് വ്യാപനശേഷിയുള്ളതും തീവ്രതയേറിയതും. ലോകത്ത് ഇതിനകം ഒരു ലക്ഷത്തോളം ആളുകള്ക്ക് ഈ രോഗം ബാധിച്ചിട്ടുണ്ടെന്നാണ് റിപ്പോര്ട്ടുകള്.
-
kerala3 days ago
വോട്ടര്പട്ടിക ചോര്ച്ച; കമ്മിഷണറുമായി ചര്ച്ച നടത്തി എല്.ജി.എം.എല് ജില്ലാ കലക്ടറോട് റിപ്പോര്ട്ട് തേടുമെന്ന് കമ്മീഷണര്
-
kerala3 days ago
ടി പി ചന്ദ്രശേഖരൻ വധക്കേസ്; പ്രതി കെ കെ കൃഷ്ണന് അന്തരിച്ചു
-
india3 days ago
ബിഹാറില് ചികിത്സയിലായിരുന്ന കൊലപാതക കേസ് പ്രതിയെ വെടിവെച്ച് കൊന്നു
-
india3 days ago
അദിതി ചൗഹാന് പ്രൊഫഷണല് ഫുട്ബോളില് നിന്ന് വിരമിക്കല് പ്രഖ്യാപിച്ചു
-
Education3 days ago
യു.ജി.സി നെറ്റ് 2025 പരീക്ഷ ഫലം ഉടന് പ്രസിദ്ധീകരിക്കും
-
india3 days ago
സ്വര്ണക്കടത്ത് കേസ്; കന്നഡ നടി രന്യ റാവുവിന് ഒരു വര്ഷം തടവ് ശിക്ഷ
-
kerala3 days ago
കൊല്ലത്ത് വിദ്യാര്ഥി ഷോക്കേറ്റ് മരിച്ച സംഭവം; സ്കൂള് മാനേജ്മെന്റിന് വീഴ്ച്ച സംഭവിച്ചതായി വൈദ്യുത വകുപ്പിന്റെ റിപ്പോര്ട്ട്
-
kerala3 days ago
വിപഞ്ചികയുടെ മൃതദേഹം നാട്ടിലെത്തിക്കും, കുഞ്ഞിനെ ഷാര്ജയില് സംസ്കരിക്കും; ഹൈക്കോടതി ഹര്ജി തീര്പ്പാക്കി