india
”ഇന്ത്യന് നിയമവ്യവസ്ഥ ബുള്ഡോസര് നീതിയില്ല, നിയമ വാഴ്ചയില് അധിഷ്ഠിതമാണ്”:ചീഫ് ജസ്റ്റിസ് ഗവായ്
നിയമവാഴ്ചയും തുല്യതയും അന്തസ്സും ഉയര്ത്തിപ്പിടിച്ച്, സങ്കീര്ണവും വ്യത്യസ്തവുമായ സമൂഹത്തില് ഭരണത്തിന് മാര്ഗനിര്ദേശമേകുന്ന ധാര്മിക ചട്ടക്കൂടാണ്.
ന്യൂഡല്ഹി: മൗറീഷ്യസ് യൂണിവേഴ്സിറ്റിയില് നടന്ന പ്രഭാഷണത്തില് ചീഫ് ജസ്റ്റിസ് ബി.ആര്. ഗവായ് ഇന്ത്യന് നിയമവ്യവസ്ഥയെ കുറിച്ച് അഭിപ്രായപ്പെട്ടു. അദ്ദേഹം പറഞ്ഞത്, ”ഒരു കാര്യത്തെ നിയമവിധേയമാക്കിയത് കൊണ്ടു മാത്രം നീതിക്കു ഉറപ്പുണ്ടെന്ന് പറയാനാവില്ല. ചരിത്രത്തില് ഇതിന് നിരവധി ഉദാഹരണങ്ങള് ഉണ്ട്. അടിമത്തം മുതല് ആദിവാസികളെ ലക്ഷ്യമിട്ടുള്ള കൊളോണിയല് നിയമങ്ങള് ഇതിന് ഉദാഹരണമാണ്.”
നിയമവാഴ്ചയും തുല്യതയും അന്തസ്സും ഉയര്ത്തിപ്പിടിച്ച്, സങ്കീര്ണവും വ്യത്യസ്തവുമായ സമൂഹത്തില് ഭരണത്തിന് മാര്ഗനിര്ദേശമേകുന്ന ധാര്മിക ചട്ടക്കൂടാണ്. കുറ്റകൃത്യങ്ങളില് പ്രതികളായവരുടെ വീടുകള് തകര്ത്തുകളയുന്ന ‘ബുള്ഡോസര് നീതി’ക്കെതിരേ 2024ല് താനിറക്കിയ വിധിയതിന് ഉദാഹരണമാണെന്നും അദ്ദേഹം പറഞ്ഞു.
”ഭരണകൂടത്തിന് ജഡ്ജിയുടെ ജോലി നിര്വഹിക്കാനാവില്ല. എല്ലാ സാഹചര്യത്തിലും ഒരൊറ്റ ഫോര്മുലയില് നിയമവാഴ്ചയെ മാനിക്കാന് കഴിയില്ല. ഓരോ സമൂഹത്തിനും തങ്ങളുടെ പാരമ്പര്യവും കാഴ്ചപ്പാടുകളും വ്യത്യസ്തമാണ്.”അദ്ദേഹം കൂട്ടിച്ചേര്ത്തു.
india
ഡല്ഹി സ്ഫോടനം: ‘സ്വതന്ത്ര ഇന്ത്യയിലെ ഏറ്റവും കഴിവുകെട്ട ആഭ്യന്തര മന്ത്രിയായിരിക്കും അമിത് ഷാ’: പ്രിയങ്ക് ഖാർഗെ
അദ്ദേഹത്തിന്റെ കഴിവില്ലായ്മ കാരണം എത്ര പേരുടെ ജീവൻ ഇനിയും നഷ്ടപ്പെടണം…?’ -പ്രിയങ്ക് ഖാർഗെ ചോദിച്ചു
ബംഗളൂരു: രാജ്യത്തെ ഞെട്ടിച്ച ഡൽഹി ചെങ്കോട്ടക്ക് സമീപമുണ്ടായ കാർബോംബ് സ്ഫോടനത്തിൽ ആഭ്യന്തര മന്ത്രി അമിത് ഷാക്കെതിരെ രൂക്ഷവിമർശനവുമായി കോൺഗ്രസ് നേതാവും കർണാടക മന്ത്രിയുമായ പ്രിയങ്ക് ഖാർഗെ. സ്വതന്ത്ര ഇന്ത്യയിലെ ഏറ്റവും കഴിവുകെട്ട ആഭ്യന്തര മന്ത്രിയായിരിക്കും അമിത് ഷായെന്നും, മറ്റേതെങ്കിലും രാജ്യത്തായിരുന്നെങ്കിൽ മന്ത്രിസഭയിൽനിന്ന് പുറത്താകുമായിരുന്നെന്നും പ്രിയങ്ക് ഖാർഗെ വാർത്ത ഏജൻസിയായ എ.എൻ.ഐയോട് പറഞ്ഞു.
‘സ്വതന്ത്ര ഇന്ത്യയിലെ ഏറ്റവും കഴിവുകെട്ട ആഭ്യന്തര മന്ത്രിയായിരിക്കും അമിത് ഷാ. മറ്റേതെങ്കിലും രാജ്യത്തോ സംസ്ഥാനത്തോ ആയിരുന്നെങ്കിൽ അദ്ദഹം മന്ത്രിസഭയിൽനിന്ന് പുറത്താകുമായിരുന്നു. പക്ഷേ, മിസ്റ്റർ മോദിയുടെ എല്ലാ രഹസ്യങ്ങളും അറിയുന്ന ആളായതിനാൽ അദ്ദേഹം അനിവാര്യനാണ്. എന്തുകൊണ്ടാണ് ഇന്ത്യയുടെ ആഭ്യന്തരമന്ത്രിക്കുമേൽ ഉത്തരവാദിത്തം വരാത്തത്? സംസ്ഥാന സർക്കാറുകളെ പുറത്താക്കാൻ മാത്രമാണോ അദ്ദേഹം അവിടെയുള്ളത്? രാഷ്ട്രീയം കളിക്കാൻ മാത്രമാണോ അദ്ദേഹം അവിടെയുള്ളത്? അതാണ് അദ്ദേഹം ചെയ്യുന്നതെങ്കിൽ പാർട്ടിയിലേക്ക് തിരികെ വരട്ടെ. അദ്ദേഹത്തിന്റെ കഴിവില്ലായ്മ കാരണം എത്ര പേരുടെ ജീവൻ ഇനിയും നഷ്ടപ്പെടണം…?’ -പ്രിയങ്ക് ഖാർഗെ ചോദിച്ചു.
india
ചെങ്കോട്ട സ്ഫോടനം; സംസ്ഥാനത്ത് പരിശോധന ശക്തമാക്കി ബോംബ് സ്ക്വാഡ്
കോഴിക്കോട്, മലപ്പുറം, എറണാകുളം, പാലക്കാട്, ആലപ്പുഴ തുടങ്ങിയ സ്ഥലങ്ങളിലാണ് പരിശോധന നടത്തുന്നത്
കോഴിക്കോട്: ഡൽഹി സ്ഫോടനവുമായി ബന്ധപ്പെട്ട് സംസ്ഥാനത്ത് വിവിധ ഇടങ്ങളിൽ പരിശോധന. കോഴിക്കോട്, മലപ്പുറം, എറണാകുളം, പാലക്കാട്, ആലപ്പുഴ തുടങ്ങിയ സ്ഥലങ്ങളിലാണ് പരിശോധന നടത്തുന്നത്. കോഴിക്കോട് റെയിൽവേ സ്റ്റേഷൻ, ബീച്ച്, ksrtc ബസ്റ്റാന്റ് എന്നിവിടങ്ങളിൽ ബോംബ് സ്ക്വാഡ് പരിശോധന നടത്തുന്നു. റെയിൽവേ സ്റ്റേഷൻ, ബസ് സ്റ്റാൻഡ്, ബീച്ച് തുടങ്ങി ജനങ്ങൾ കൂടുതൽ വരാൻ സാധ്യതയുള്ള സ്ഥലങ്ങളിലാണ് പരിശോധന നടത്തുന്നതെന്ന് പൊലീസ് അറിയിച്ചു.
ഡൽഹി സ്ഫോടനത്തെ തുടർന്ന് കൊച്ചിയിലും വ്യാപക പരിശോധന. എറണാകുളം സൗത്ത് റെയിൽവേ സ്റ്റേഷനിലും മറ്റ് ജനങ്ങൾ കൂട്ടമായി വരാൻ സാധ്യതയുള്ള സ്ഥലങ്ങളിലുമാണ് പരിശോധന നടത്തുന്നത്. ആർപിഎഫും പൊലീസും ചേർന്നാണ് പരിശോധന നടത്തുന്നത്. പാലക്കാട്ട് റെയിൽവേ സ്റ്റേഷനുകളിലും പരിശോധന നടന്നു. ഡോഗ്-ബോംബ് സ്ക്വാഡുകളുടെ നേതൃത്വത്തിലാണ് പരിശോധന. പാലക്കാട് ജംഗ്ഷൻ, ഷൊർണൂർ തുടങ്ങിയ പ്രധാനപ്പെട്ട സ്റ്റേഷനുകളിൽ പരിശോധന തുടരുകയാണ്. ആലപ്പുഴ ജില്ലയിൽ റെയിൽവേ സ്റ്റേഷനിൽ ബോംബ് സ്ക്വാഡും കെ – 9 സ്ക്വാഡും പരിശോധന നടത്തി.
അതേസമയം, ഡൽഹി സ്ഫോടനത്തിന്റെ പശ്ചാത്തലത്തിൽ എയർപോർട്ടുകളുടെ സുരക്ഷ വർധിപ്പിക്കാൻ നിർദേശം. ബ്യൂറോ ഓഫ് സിവിൽ ഏരിയേഷൻ സെക്യൂരിറ്റി ഡിജിയാണ് നിർദേശം നൽകിയത്. സംസ്ഥാന പോലീസ് മേധാവിമാർക്ക് കത്തയച്ചു. സുരക്ഷ വർധിപ്പിച്ച് തിരുവനന്തപുരം അന്താരാഷ്ട്ര വിമാനത്താവളം. യാത്രക്കാരുടെ സ്ക്രീനിങ് നടപടികൾ ശക്തമാക്കി. സുരക്ഷാ നടപടികളുമായി സഹകരിക്കണമെന്ന് യാത്രക്കാർക്ക് നിർദേശം.
-
kerala2 days agoതദ്ദേശ തിരഞ്ഞെടുപ്പ് പ്രഖ്യാപനം നാളെ ?, 20ന് മുന്പ് വോട്ടെണ്ണല്
-
india3 days agoമകന് പഠനത്തില് മോശമെന്ന് പിതാവിനോട് അധ്യാപകര്; പിന്നാലെ വിദ്യാര്ഥി ജീവനൊടുക്കി
-
News2 days agoകെട്ടിട അവിശിഷ്ടങ്ങള്ക്കടിയില് നിന്ന് ഇസ്രാഈലി സൈനികന്റെ മൃതദേഹം കണ്ടെടുത്ത് ഹമാസ്
-
kerala2 days agoകുഞ്ഞിന്റെ മരണം കൊലപാതകമെന്ന് പിതാവ്; അമ്മയും ലെസ്ബിയന് പങ്കാളിയും അറസ്റ്റില്
-
india2 days agoഡോക്ടര്മാര് മരിച്ചതായി വിധിയെഴുതി; സംസ്കാര ചടങ്ങിനിടെ ശ്വസിച്ച് യുവാവ്
-
india3 days agoഹെല്മറ്റ് ധരിക്കാത്തതിന് സ്കൂട്ടര് ഉടമയ്ക്ക് 20 ലക്ഷത്തിലേറെ രൂപ പിഴ ചുമത്തി യുപി പൊലീസ്
-
kerala2 days agoകേരളത്തില് ശക്തമായ മഴയ്ക്കും ഇടിമിന്നലിനും സാധ്യത: നാല് ജില്ലകള്ക്ക് യെല്ലോ അലര്ട്ട്
-
News2 days agoന്യൂയോര്ക്ക് പരിപാടിയില് സൊഹ്റാന് മമദാനി ഉമര് ഖാലിദിന്റെ ജയില് ഡയറി വായിച്ചപ്പോള്