പ്രസ്സ് കൗണ്സില് ഓഫ് ഇന്ത്യയുടെ ദേശീയ ഫോട്ടോ ഗ്രാഫി അവാര്ഡ് നേടിയ ചിത്രത്തിലെ കഥാ നായിക താഴെ കൊന്നാലത്ത് പാത്തുമാത്ത (93) യാത്രയായി. 2016 ലെ നിയമസഭാ തെരഞ്ഞെടുപ്പില് ചുള്ളിക്കാപറമ്പ് ഗവ എല്.പി സ്കൂളിലെ പോളിംഗ് ബൂത്തില് നിന്ന് വോട്ട് ചെയ്തിറങ്ങിയ പാന്താത്ത സ്കൂള് മുറ്റത്ത് നിന്ന് ബാല്യകാല സുഹൃത്തിനെ കണ്ട നിമിഷം അവരുടെ നിഷ്കളങ്ക ഭാവപകര്ച്ചയും, സ്നേഹത്തോടെയുള്ള കുശലങ്ങളും അത്രത്തോളം തന്നെ അവരുടെ സുഹൃത്ത് ബന്ധം അവാര്ഡ് നേടിയ ഫ്രെയിമിലുണ്ടായിരുന്നു. ഇത് ക്യാമറയില് പകര്ത്തിയ ചന്ദ്രിക ഫോട്ടോ ഗ്രാഫര് സി കെ തന്സീറിന് ഈ ഫോട്ടോക്ക് 2017 ലെ പ്രസ്സ് കൗണ്സില് ഓഫ് ഇന്ത്യയുടെ ദേശീയ ഫോട്ടോ ഗ്രാഫി അവാര്ഡും ലഭിച്ചിരുന്നു. രണ്ട് മക്കളുടെ മാതാവായ ഗ്രാമ മുത്തശ്ശി ഇനി ചെറുവാടി പുത്തിയോത്ത് ജുമാമസ്ജിദ് ഖബറിസ്ഥാനില് ഉറങ്ങും.