മസ്കത്ത്: അബൂദബി ടിക്കറ്റിന്റെ ജനുവരി മാസത്തെ റാഫ്ൾ നറുക്കെടുപ്പിൽ ഗ്രാൻറ് പ്രൈസായ 20 ദശലക്ഷം റിയാൽ (40 കോടിയോളം രൂപ) ഒമാനിൽ ബിസിനസ് ചെയ്യുന്ന മലയാളിക്ക്. റുസ്താഖിനടുത്ത് കഫ്ജിയിൽ സൂപ്പർ മാർക്കറ്റ് നടത്തിവരുന്ന കോഴിക്കോട് പേരാമ്പ്ര സ്വദേശി എൻ.വി അബ്ദുൽ സലാമാണ് ഭാഗ്യശാലി.
ഡിസംബർ 29ന് ഓണ്‍ലൈനിലൂടെ എടുത്ത 323601 നമ്പർ കൂപ്പണിനാണ് സമ്മാനം ലഭിച്ചത്. കുറച്ച് സുഹൃത്തുക്കൾക്ക് ഒപ്പമാണ് ടിക്കറ്റെടുത്തത്. സമ്മാനതുക അവരുമായി പങ്കുവെക്കും.
ഇത് അഞ്ചാം തവണയാണ് അബ്ദുൽ സലാം ബിഗ്ടിക്കറ്റിൽ ഭാഗ്യം പരീക്ഷിക്കുന്നത്. കഴിഞ്ഞ ആറ് വർഷമായി അബ്ദുൽസലാം ഒമാനിലാണ്.