കൊച്ചിയില് നടിയെ ആക്രമിച്ച കേസുമായി ബന്ധപ്പെട്ട് വാദം പൂര്ത്തിയായി. വാദത്തില് വ്യക്തത വരുത്തുന്നതിനായി കേസ് മെയ് 21ന് പരിഗണിക്കും. അതിന് ശേഷമായിരിക്കും വിചാരണക്കോടതി കേസ് വിധി പറയാന് മാറ്റുക.
ഏഴുവര്ഷത്തോളം നീണ്ട വിചാരണ നടപടികള്ക്ക് ശേഷം ഇന്നാണ് നടിയെ ആക്രമിച്ച കേസില് വാദം പൂര്ത്തിയാകുന്നത്. എട്ടാം പ്രതി ദിലീപിന്റേത് ഉള്പ്പടെയുള്ള പ്രതിഭാഗം വാദം പൂര്ത്തിയായി. പ്രോസിക്യൂഷന്റെ മറുപടി വാദം പത്ത് ദിവസത്തിനകം പൂര്ത്തിയാകും.
നേരത്തെ കേസില് സിബിഐ അന്വേഷണം ആവശ്യപ്പെട്ടുള്ള നടന്റെ ഹര്ജി ഹൈക്കോടതി ഡിവിഷന് ബെഞ്ചും തള്ളിയിരുന്നു. വിചാരണ അവസാനഘട്ടത്തിലെന്ന് നിരീക്ഷിച്ചായിരുന്നു നടപടി.
2017 ഫെബ്രുവരി 17നാണ് കൊച്ചിയില്വെച്ച് സഞ്ചരിച്ചുകൊണ്ടിരിക്കുന്ന വാഹനത്തില് വെച്ച് നടി ആക്രമിക്കപ്പെടുന്നത്. നടന് ദിലീപ് ഉള്പ്പടെ 9 പ്രതികളാണ് കേസില് ഉള്പ്പെട്ടിട്ടുള്ളത്. 2018 മാര്ച്ചിലാണ് കേസിലെ വിചാരണ നടപടികള് എറണാകുളം പ്രിന്സിപ്പല് സെഷന്സ് കോടതിയില് ആരംഭിച്ചത്.