Connect with us

Video Stories

അഫ്ഗാനിലെ കുന്‍ഡുസ് പ്രവിശ്യ താലിബാന്‍ നിയന്ത്രണത്തില്‍

Published

on

കാബൂള്‍: അഫ്ഗാനിസ്താനിലെ കുന്‍ഡുസ് നഗരത്തിനു നേരെ താലിബാന്‍ ശക്തമായ ആക്രമണം തുടങ്ങി. നഗരത്തിന്റെ നാലു ദിശയില്‍നിന്നും ഇരച്ചുകയറിയ പോരാളികള്‍ തന്ത്രപ്രധാന കേന്ദ്രങ്ങളുടെയെല്ലാം നിയന്ത്രണം പിടിച്ചെടുത്തതായി റിപ്പോര്‍ട്ടുണ്ട്.
ഞായറാഴ്ച അര്‍ധരാത്രിയാണ് ആക്രമണം തുടങ്ങിയത്. താലിബാന്‍ പോരാളികളും അഫ്ഗാന്‍ സേനയും തമ്മില്‍ നഗരത്തിന് അകത്തും പുറത്തും ഉഗ്രപോരാട്ടം തുടരുന്നുണ്ട്. തീവ്രവാദികളെ പിന്തിരിപ്പിക്കാന്‍ എല്ലാ ശ്രമവും നടത്തുന്നുണ്ടെന്ന് പൊലീസ് കമാന്‍ഡര്‍ ശീര്‍ അലി കമാല്‍ അറിയിച്ചു. കുന്‍ഡുസിനു മുകളില്‍ സൈനിക ഹെലികോപ്ടറുകള്‍ വട്ടമിട്ടു പറക്കുന്നുണ്ട്. വെടിയൊച്ചയും കേള്‍ക്കാം. ആളുകളോട് വീടുകളില്‍ തന്നെ തങ്ങാന്‍ ആവശ്യപ്പെട്ടിരിക്കുകയാണ്.

പോരാളികള്‍ വീടുകളില്‍ കയറിക്കൂടിയും സൈനികരെ ആക്രമിക്കുന്നുണ്ട്. എവിടെനിന്നാണ് വെടിയുണ്ടകള്‍ വരുന്നതെന്ന് കൃത്യമായി മനസിലാക്കാന്‍ സാധിക്കാതെ സൈനികരും പൊലീസും പ്രയാസപ്പെടുകയാണെന്ന് സുരക്ഷാ വൃത്തങ്ങള്‍ അറിയിച്ചു. ഒരുവര്‍ഷം മുമ്പും താലിബാന്‍ പോരാളികള്‍ കുന്‍ഡുസ് നഗരം പിടിച്ചെടുത്തിരുന്നു.

ഏപ്രില്‍, ജൂലൈ, ആഗസ്ത് മാസങ്ങളിലും താലിബാനില്‍നിന്ന് കടുത്ത ഭീഷണിയുണ്ടായി. നഗരത്തിലെ നവാബാദ് പ്രദേശവും നാല് ചെക്‌പോയിന്റുകളും പിടിച്ചെടുത്തതായി താലിബാന്‍ വക്താവ് സബീഹുല്ല മുജാഹിദ് അവകാശപ്പെട്ടു. നിരവധി സൈനികരും കൊല്ലപ്പെട്ടതായി അദ്ദേഹം അറിയിച്ചു. ഹെല്‍മന്ദ് പ്രവിശ്യയടക്കം അഫ്ഗാനിസ്താന്റെ നിരവധി ഭാഗങ്ങളില്‍ താലിബാന്‍ ആക്രമണം ശക്തമാക്കിയിട്ടുണ്ട്. ഹെല്‍മന്ദിലെ നാവ ജില്ല ആക്രമിച്ച തീവ്രവാദികള്‍ പൊലീസ് മേധാവിയെ കൊലപ്പെടുത്തി. അഫ്ഗാനിസ്താനില്‍ താലിബാന്‍ തങ്ങളുടെ ശക്തി തെളിയിച്ചുകൊണ്ടിരിക്കുകയാണ്. നിരവധി പ്രദേശങ്ങള്‍ താലിബാ നില്‍നിന്ന് ഭീഷണി നേരിടുന്നുണ്ട്. ഏത് സമയവും അഫ്ഗാ ന്‍ സേനക്ക് ഇവയുടെ നിയന്ത്രണം നഷ്ടപ്പെടുന്ന സ്ഥിതിയാണുള്ളത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

തിരുവനന്തപുരം മെഡിക്കല്‍ കോളജിലെ യുവ ഡോക്ടര്‍ മരിച്ച നിലയില്‍

ന്നലെ രാത്രി ഫ്‌ളാറ്റിൽ മരിച്ച നിലയിൽ കണ്ടെത്തുകയായിരുന്നു.

Published

on

തിരുവനന്തപുരം മെഡിക്കൽ കോളജിലെ യുവ ഡോക്ടർ മരിച്ച നിലയിൽ. സർജറി വിഭാഗം പി ജി വിദ്യാർഥിനി ഡോ ഷഹാനയാണ് മരിച്ചത്. ഇന്നലെ രാത്രി ഫ്‌ളാറ്റിൽ മരിച്ച നിലയിൽ കണ്ടെത്തുകയായിരുന്നു. ആത്മഹത്യയെന്നാണ് പ്രാഥമിക നിഗമനം.

ഒപ്പം പഠിക്കുന്ന പി.ജി വിദ്യാർത്ഥികളാണ് പൊലീസിനെ വിവരമറിയിക്കുന്നത്. പൊലീസ് നടത്തിയ പരിശോധനയിൽ ഷഹാനയുടെ മുറിയിൽ നിന്ന് ആത്മഹത്യ കുറിപ്പിന് സമാനമായ ഒരു കത്ത് കണ്ടെത്തിയിട്ടുണ്ട്. അസ്വാഭാവിക മരണത്തിന് പൊലീസ് കേസെടുത്തിട്ടുണ്ട്.

Continue Reading

Video Stories

വെള്ളം കയറിയതിനെത്തുടർന്ന് ചെന്നൈ വിമാനത്താവളം അടച്ചു; 20 വിമാനങ്ങൾ റദ്ദാക്കി

തമിഴ്നാട് തീരത്ത് മത്സ്യബന്ധനം പൂർണമായി വിലക്കി. ചെന്നൈ, തിരുവള്ളൂർ, ചെങ്കൽപ്പെട്ട്, കാഞ്ചീപുരം, റാണിപ്പെട്ട്, വിഴുപ്പുറം ജില്ലകളിൽ പൊതു അവധി ആണ്.

Published

on

കനത്ത മഴയെ തുടർന്ന് ചെന്നൈ വിമാനത്താവളം അടച്ചു. 20 വിമാനങ്ങൾ റദ്ദാക്കുകയും എട്ടു വിമാനങ്ങൾ ബെം​ഗളൂരു വഴി തിരിച്ചുവിടുകയും ചെയ്യും. ചുഴലിക്കാറ്റ് മുന്നറിയിപ്പിൽ 118 ട്രെയിനുകൾ ഇന്ത്യൻ റെയിൽവേ റദ്ദാക്കിയിരുന്നു. വന്ദേഭാരത് ഉൾപ്പെടെ ചെന്നൈയിലേക്കുള്ള ആറു ട്രെയിനുകളും റദ്ദാക്കിയിരുന്നു.ചുഴലിക്കാറ്റ് മുന്നറിയിപ്പിനെ തുടർന്ന് കേരളത്തിലേക്കുള്ള 30 ട്രെയിനുകളും റദ്ദാക്കിട്ടുണ്ട്. ഇന്നലെ രാത്രി പെയ്ത കനത്തമഴയിൽ ചെന്നൈ നഗരത്തിൽ പലയിടത്തും വെള്ളം കയറി. ചെന്നൈ അടക്കം നാല് ജില്ലകളിൽ റെഡ് അലേർട്ട് നിലനിൽക്കുകയാണ്. തമിഴ്നാട് തീരത്ത് മത്സ്യബന്ധനം പൂർണമായി വിലക്കി. ചെന്നൈ, തിരുവള്ളൂർ, ചെങ്കൽപ്പെട്ട്, കാഞ്ചീപുരം, റാണിപ്പെട്ട്, വിഴുപ്പുറം ജില്ലകളിൽ പൊതു അവധി ആണ്.

Continue Reading

Video Stories

പിഞ്ചുകുഞ്ഞിന് മരുന്ന് മാറിനല്‍കി; ചുമക്കുള്ള മരുന്നിന് പകരം കൊടുത്തത് വേദനക്ക് പുരട്ടുന്ന മരുന്ന്

കുട്ടി അപകടനില തരണം ചെയ്തു

Published

on

വണ്ടൂര്‍ താലൂക്കാശുപത്രിയില്‍ കിടത്തി ചികത്സയിലുളള പിഞ്ചുകുഞ്ഞിന് മരുന്ന് മാറിനല്‍കിയതായി പരാതി. കഴിഞ്ഞ ദിവസം രാവിലെയാണ് സംഭവം. ചുമക്കുള്ള മരുന്നിന് പകരം വേദനക്ക് പുരട്ടുന്ന മരുന്നാണ് നല്‍കിയത്. തുടര്‍ന്ന് കുട്ടിയെ മഞ്ചേരി മെഡിക്കല്‍ കോളജ് ആശുപത്രിയിലേക്ക് മാറ്റി. കുട്ടി അപകടനില തരണം ചെയ്തിട്ടുണ്ട്.

രാവിലെ ഡ്യൂട്ടിയിലുണ്ടായിരുന്ന താല്‍ക്കാലിക നഴ്‌സാണ് മരുന്ന് മാറിനല്‍കിയതെന്നാണ് വിവരം. കുട്ടിക്ക് അസ്വസ്ഥത അനുഭവപ്പെട്ടതോടെ മഞ്ചേരി മെഡിക്കല്‍ കോളജ് ആശുപത്രിയിലേക്ക് മാറ്റുകയായിരുന്നു. നഴ്‌സിന്റെ ഭാഗത്ത് ഗുരുതര വീഴ്ച സംഭവിച്ചുവെന്നാണ് വിലയിരുത്തല്‍.

കാപ്പില്‍ സ്വദേശിയായ കുട്ടിയെ മൂന്ന് ദിവസം മുമ്പാണ് ശ്വാസ തടസ്സത്തെ തുടര്‍ന്ന് ആശുപത്രിയില്‍ അഡ്മിറ്റ് ചെയ്തത്. സംഭവത്തില്‍ അന്വേഷണം നടത്തി നടപടി സ്വീകരിക്കുമെന്ന് താലൂക്കാശുപത്രി മെഡിക്കല്‍ ഓഫിസര്‍.

Continue Reading

Trending